فوتو: Reuters / Sarah Meyssonnier
جىل سايىن «التىن دوپ» تٶڭٸرەگٸندە پٸكٸرتالاس كٶپ. بيىل جٷلدەنٸ ۆينيسيۋس جۋنيور ەمەس, رودريگو ەرناندەس العانىنا تاڭدانعان جەتەرلٸك. بٸرٸ جٷلدە لايىقتى ويىنشىعا بۇيىرمادى دەسە, ەندٸگٸسٸ Franسە Football-دىڭ ناعىز ەڭبەكتٸ ەلەي باستاعانىن ايتادى. راسىمەن, رودري ەسٸمٸمەن بەلگٸلٸ فۋتبولشىنىڭ قانداي جەتٸستٸگٸ بار? ول ماراپاتتاۋ سالتاناتى كەزٸندە قانداي مەلٸمدەمە جاسادى?
يە, كٶپشٸلٸك بيىل «التىن دوپ» ۆينيسيۋس دجۋنيورعا بۇيىراتىنىنا كەمٸل سەندٸ. كٷنٸ بۇرىن قۇتتىقتاپ, بٶركٸن اسپانعا اتقان جانكٷيەرٸ دە جەتەرلٸك. الايدا ماراپاتتاۋ سالتاناتى باستالۋعا بٸرنەشە ساعات قالعاندا رودريدٸڭ جەڭٸسكە جەتكەنٸ مەلٸم بولدى. سەبەبٸ ۆينيسيۋس جٷلدە المايتىنىن كٷنٸ بۇرىن بٸلگەن «رەال» ويىنشىلارى جيىنعا قاتىسۋدان باس تارتتى. ال «رەال مادريد» جىلدىڭ ٷزدٸك ەرلەر كومانداسى نوميناتسيياسىندا جەڭٸسكە جەتكەن-دٸ. كلۋبتىڭ باس باپكەرٸ كارلو انچەلوتتي دە جىلدىڭ ٷزدٸك باپكەرٸ اتاندى. بٸراق سالتاناتتى كەشكە كلۋبتىڭ بٸردە بٸر ٶكٸلٸ قاتىسقان جوق.
داۋىس بەرۋ نەتيجەسٸ بويىنشا, رودريگو ەرناندەس بٸرٸنشٸ, ۆينيسيۋس دجۋنيور ەكٸنشٸ تۇر. ودان كەيٸن دجۋد بەللينگەم مەن داني كارۆاحال بار. «جىل قاقپاشىسى» اتاعى ەميليانو مارتينەسكە بۇيىرتسا, ايتانا بونماتي جىلدىڭ ٷزدٸك ەيەل ويىنشىسى اتاندى. «ٷزدٸك جاس ويىنشى» - «بارسەلونا» كلۋبىنىڭ جارتىلاي قورعاۋشىسى يامين يامال.
سونىمەن, جىل ويىنشىسى اتانعان رودري – «مانچەستەر سيتي» كلۋبىنىڭ, يسپانييا ۇلتتىق قۇراماسىنىڭ جارتىلاي قورعاۋشىسى. ول ٶتكەن ماۋسىمدا «مانچەستەر سيتي» كلۋبىمەن انگلييا چەمپيوناتىندا توپ جاردى. بيىل يسپانييا قۇراماسىمەن بٸرگە ەۋروپا چەمپيونى اتانىپ, تۋرنيردٸڭ ٷزدٸك ويىنشىسى بولدى. ستاتيستيكا بويىنشا, ٶتكەن ماۋسىمدا 12 گول سوعىپ, 14 نەتيجەلٸ پاس بەرگەن. «مانچەستەر سيتي» رودريمەن بٸرگە 34 ويىن قاتارىنان جەڭٸلگەن جوق. تەك جارتىلاي قورعاۋشى الاڭعا شىقپاعان تٶرت كەزدەسۋدە ۇتىلدى. ول كلۋبتاعى ورنى قانداي بولسا, ۇلتتىق قۇراماداعى سالماعى دا سونداي ويىنشى. يسپانييا ەۋروپا چەمپيوناتىندا 11 ويىن قاتارىنان قارسىلاسىن ايقىن جەڭدٸ. ونىڭ اتالعان تۋرنيردە كٶرسەتكەن ەڭبەگٸنە, اتقارعان «قارا جۇمىسىن» ساراپشىلار باس بارماقپەن باعالاعان. قۇرامداعى جاس جٸگٸتتەرگە باس بولىپ, كوماندانىڭ ٸرگەتاسىنا اينالدى. قىزىعى سول, 64 جىلدان كەيٸن يسپان فۋتبولىنىڭ باعى جانىپ, تٷلەگٸ «التىن دوپ» الىپ جاتىر. بۇدان بۇرىن الفرەدو دي ستەفانو (1957,1959 ) مەن لۋيس سۋارەس ميرامونتەس (1960) اتالعان جٷلدەگە يەلٸك ەتتٸ.
فوتو: ballondorofficial
كٸشٸپەيٸل رودريگو
28 جاستاعى رودري ەلەۋمەتتٸك جەلٸگە تٸركەلمەگەن. قاراپايىم ٶمٸر سالتىن ۇستاناتىن فۋتبولشى. بوس ۋاقىتىن وتباسىنا, سٷيٸكتٸ ٸسٸنە ارناعاندى ۇناتاتىن ادام. كەسٸبي مانسابىن 2015 جىلى «ۆيلياررەال» كلۋبىندا باستاپ, 2018 جىلى «اتلەتيكو مادريدكە» اۋىسادى. اتالعان كلۋب ساپىندا جٷرٸپ ەۋروپا سۋپەركۋبوگىن يەلەنەدٸ. «مانچەستەر سيتي» كلۋبى ونىڭ ەۋروارەنادا كٶرسەتكەن ويىنىنا تەنتٸ بولىپ, كەلٸسٸمشارت ۇسىنادى. وسىلايشا, 2019 جىلدان باستاپ ەلەمنٸڭ ازۋلى كلۋبتارىنىڭ بٸرٸندە دوپ تەۋٸپ جٷر. ەيگٸلٸ باپكەر گۆارديولا ونىڭ ويىن مەنەرٸنە, ويلاۋ قابٸلەتٸنە تاڭداناتىنىن بٸرنەشە رەت ايتقان. سٶيتٸپ, «مانچەستەر سيتي» رودريمەن تٶرت رەت قاتارىنان اپل-دە توپ جاردى. 2023 جىلى چەمپيوندار ليگاسى فينالىندا «ينتەر» قاقپاسىنا گول سوعىپ, جانكٷيەر ارمانىنداعى تروفەيدٸ انگليياعا الىپ كەلدٸ. سول جىلى كلۋبتىڭ ترەبل جاساعانى تاعى بار.
يە, ونىڭ الاڭداعى ينتەللەكتٸن جوعارى باعالايتىندار جەتەرلٸك. قايتا تٷلەگەن يسپانييا قۇراماسىنىڭ سەنٸم ارتار ويىنشىسىنا اينالعانى دا سودان. ۋ-شۋدان الىس, بٸلگەنٸمنەن بٸلمەگەنٸم كٶپ دەيتٸن رودري بٸلٸمٸن جالعاستىرۋدى ويلاعان ەكەن. بٸراق انگليياعا قونىس اۋدارعانى, تىعىز ويىن كەستەسٸ قالاۋىن ورىنداۋعا كەدەرگٸ جاساعان. ول – كاستيليا ۋنيۆەرسيتەتٸنٸڭ تٷلەگٸ. تٸپتٸ جاستار ساپىندا جٷرگەندە مانسابىن اياقتاپ, بٸلٸم جولىنا بەت بۇرعىسى كەلگەن. سەتٸن سالىپ, «ۆيلياررەالدان» ۇسىنىس تٷسٸپ, كەسٸبي كارەراسىن باستادى. سٷيٸكتٸسٸمەن دە ۋنيۆەرسيتەت قابىرعاسىندا تانىسقان. قىمبات كٶلٸك تٸزگٸندەپ, جارق-جۇرق ەتەتٸن جەردە جٷرگەندٸ ۇناتپايدى. بيىل قىركٷيەك ايىندا «ارسەنالعا» قارسى ويىندا جاراقات الىپ, ماۋسىمدى ەرتە اياقتادى. سول ٷشٸن «التىن دوپ» تابىستاۋ سالتاناتىنا تاياققا سٷيەنٸپ كەلدٸ. كەلدٸ دە جٷرەك تەبٸرەنٸسٸن جەتكٸزٸپ, جٷلدە تۋرالى مەلٸمدەمە جاسادى.
«بۇل جەڭٸس مەنٸكٸ ەمەس, يسپان فۋتبولىنىڭ مەرەيٸ تاسىعان كٷن. بۇرىنىراقتا قانشاما ويىنشى «التىن دوپقا» لايىق بولسا دا, قولى جەتكەن جوق. سونىڭ ٸشٸندە ينەستا, حاۆي, يكەر كاسيلياس, بۋسكەتس پەن تاعى باسقاسى بار. ماراپاتىم جارتىلاي قورعاۋشىلار ٷشٸن دە قۇندى. بٷگٸن دوستارىم حابارلاسىپ, جٷلدە تابىستاردا فۋتبولدىڭ سالماعى باسقانىن, جارتىلاي قورعاۋشى ەڭبەگٸ باعالانعانىن ايتتى. سول ٷشٸن قۋانىشتىمىن. وسى ماراپات جولىندا مەنٸ دەمەگەن, قولداعان بارشاعا العىسىم شەكسٸز. ەلەمنٸڭ ەڭ ٷزدٸك كلۋبى «مانچەستەر سيتيگە», يسپانييا ۇلتتىق قۇراماسىنا قۇرمەتٸم بٶلەك. ولار بولماسا مۇنداي جٷلدە بۇيىرماس ەدٸ», - دەدٸ رودري ماراپاتتاۋ سالتاناتىندا.
دايىنداعان: ايزات ايدارقىزى
