مەكتەپ تٷلەكتەرٸن ۇبت-عا كٸرگٸزۋ كەزٸندە Face-ID جٷيەسٸ ارقىلى 4 بٶگدە تۇلعا انىقتالدى, دەپ حابارلايدى "ۇلت اقپارات".
وسىلايشا, 4 تالاپكەردٸڭ ورنىنا تەستٸلەۋگە ەلوردالىق ەكٸ جوعارى وقۋ ورنىنىڭ 4 ستۋدەنتٸ قاتىسپاق بولعان.
ول ٷشٸن جالعان قۇجاتتار دا جاسالعان. دەگەنمەن, تۇلعانى تسيفرلىق سەيكەستەندٸرۋ Face-ID جٷيەسٸ اتالعان كەمشٸلٸكتەردٸ انىقتاۋعا مٷمكٸندٸك بەردٸ. بۇل جٷيە بيىل ۇبت تاپسىراتىن بارلىق ورتالىقتا ەنگٸزٸلدٸ.
«بٶگدە تۇلعالار اۋديتوريياعا كٸرە المادى, ٶيتكەنٸ ۇبت-عا كٸرگٸزۋ تۇلعانى سەيكەستەندٸرۋ Face ID باعدارلاماسى ارقىلى جٷرگٸزٸلەدٸ. باعدارلاما تٸپتٸ ەگٸزدەردٸ دە انىقتاي الادى. ۇلتتىق تەستٸلەۋ ورتالىعىنىڭ قىزمەتكەرلەرٸ ۇبت تاپسىرۋ كەزٸندە مەكتەپ وقۋشىلارى تاراپىنان ورىن الۋى مٷمكٸن بۇزۋشىلىقتاردى قالاي انىقتاۋ كەرەكتٸگٸن جاقسى بٸلەدٸ. تەستٸلەۋگە ٶز ورنىنا بٶگدە ادامدى كٸرگٸزبەك بولعانداردىڭ اراسىندا «التىن بەلگٸ» يەگەرٸ دا بار», – دەپ اتاپ ٶتتٸ قر بعم ۇلتتىق تەستٸلەۋ ورتالىعى ديرەكتورىنىڭ مٸندەتٸن اتقارۋشى ناۋجان ديداربەكوۆا.
تەستٸلەنۋشٸلەر مەن بٶگدە تۇلعالارعا قاتىستى اقپارات قۇقىق قورعاۋ ورگاندارىنا جٸبەرٸلدٸ. ولارعا قاتىستى قر قىلمىستىق كودەكسٸنٸڭ 385-بابى 2-بٶلٸگٸ بويىنشا قىلمىستىق ٸس قوزعالدى.
بيىل ۇبت تاپسىرۋ نىساندارىندا ٷش ساتىلى جٷيە ەنگٸزٸلگەن. اتاپ ايتساق, تەستٸلەنۋشٸ جەكە كۋەلٸگٸن كٶرسەتەدٸ, كەيٸن Face-ID جٷيەسٸنەن ٶتەدٸ. سونداي-اق ەربٸر تەستٸلەۋشٸنٸڭ الدىندا كامەرا ورناتىلعان.
وسى شارالاردىڭ بارلىعى ۇلتتىق بٸرىڭعاي تەستٸلەۋدٸ تاپسىرۋ رەسٸمٸنٸڭ اشىقتىعىن قامتاماسىز ەتۋگە باعىتتالعان.
بٷگٸنگٸ تاڭدا ۇلتتىق بٸرىڭعاي تەستٸلەۋدٸ تاپسىرعانداردىڭ سانى - شامامەن 150 مىڭ ادام.
وسى رەتتە قر بعم ۇلتتىق تەستٸلەۋ ورتالىعى تالاپكەرلەردٸ اكادەمييالىق ادالدىق قاعيدالارىن ساقتاۋعا شاقىرادى.
