فوتو: اشىق دەرەككٶز
التىننىڭ بيرجاداعى قۇنى جاڭا تاريحي شەكتٸ ەڭسەرٸپ, بٸر ترويا ۋنتسيياسى ٷشٸن 3 301,62 دوللارعا جەتتٸ, دەپ حابارلايدى Ult.kz.
Comex بيرجاسىنداعى ماۋسىم ايىنداعى التىن فيۋچەرستەرٸ 1,89%-عا, ياعني 61,22 دوللارعا قىمباتتاعان. بۇل كٶرسەتكٸش التىن باعاسىنىڭ رەكوردتىق دەڭگەيگە جەتكەنٸن بٸلدٸرەدٸ.
ساراپشىلاردىڭ ايتۋىنشا, التىن باعاسىنىڭ كٷرت ٶسۋٸنە قىتايدىڭ اقش-قا قاتىستى جاڭا كەدەندٸك باج سالىعىن ەنگٸزۋٸ سەبەپ بولعان. گەوساياسي شيەلەنٸستەر اياسىندا التىن دەستٷرلٸ "قاۋٸپسٸز اكتيۆ" رەتٸندە سۇرانىسقا يە بولىپ وتىر.
