«التىن القا» جەنە «كٷمٸس القا» العان انالارعا ەلٸمٸزدٸڭ جوعارى وقۋ ورىندارىندا بٸلٸم الۋى ٷشٸن ارنايى كۆوتا بٶلٸنبەك. بۇل تۋرالى بٷگٸن قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات تٸلشٸسٸ.
«حالىقتىڭ ەلەۋمەتتٸك از قامتىلعان توبىن قولداۋ ماقساتىندا »التىن القا«, »كٷمٸس القا« يەلەرٸنە گرانت تاعايىنداۋ بويىنشا كۆوتا قاراستىرىلادى», - دەدٸ مينيستر سەنات دەپۋتاتتارىنا «پەداگوگ مەرتبەسٸ تۋرالى» زاڭ جوباسىن تانىستىرۋ بارىسىندا.
ونىڭ اتاپ ٶتۋٸنشە, قازٸرگٸ ۋاقىتتا مۇنداي ينستيتۋت ەلٸمٸزدە قولدانىستا بار. بٷگٸندە مٷگەدەكتەر جەنە ٶزگە دە ساناتتاعى ازاماتتارعا جوعارى وقۋ ورنىندا بٸلٸم الۋىنا ارنايى كۆوتا قاراستىرىلعان.
«بٸزگە كٶپبالالى انالاردى ٶنٸمدٸ جۇمىلدىرۋ قاجەت دەپ وتىرمىز. ەگەر مۇنداي نيەت تانىتقان ادامدار بولسا, وندا ولار وقۋعا تٷسە الادى. ۇلتتىق بٸرىڭعاي تەست تاپسىرۋى, شەكتٸ بالل الۋى قاجەت. دەگەنمەن, ولاردىڭ كۆوتاسى بولادى جەنە قانداي دا بٸر جەڭٸلدەتٸلگەن شارتتارمەن جوعارى وقۋ ورىندارىنا تٷسۋگە مٷمكٸندٸك الادى. بۇل رەتتە ونلاين وقۋ بويىنشا دا نورما بار», - دەدٸ اسحات ايماعامبەتوۆ.
