كٶشەلەردٸ تەكسەرۋ بارىسى جولداردىڭ ساپالى ورىندالماعانىن كٶرسەتەدٸ. بۇل تۋرالى ەلوردا ەكٸمٸ التاي كٶلگٸنوۆ جەلٸدەگٸ پاراقشاسىندا جازدى, دەپ حابارلايدى "ۇلت اقپارات".
«كەيبٸر جولداردىڭ جٶندەلگەنٸنە ەلٸ 3-4 جىل تولمادى, الايدا جٶندەۋ جۇمىستارىن قايتا جٷرگٸزۋ كەرەك! تۇرعىنداردىڭ شاعىمدارى نەگٸزدەلگەن. بەيٸندٸ باسقارمانىڭ مٸندەتٸ تەك مەردٸگەرلٸك ۇيىمداردى انىقتاۋ ٷشٸن كونكۋرس ٶتكٸزٸپ قانا قويۋ ەمەس, سونىمەن بٸرگە جولدىڭ ساپاسىن, ۇزاق ۋاقىت قىزمەت كٶرسەتۋٸن قامتاماسىز ەتۋ! ادامدارعا قولايلى جاعداي جاساۋ», - دەدٸ ەكٸم.
ەكٸم وسى باعىتتا بٸرنەشە تاپسىرما بەردٸ.
بٸرٸنشٸ. كٶلٸك جەنە جول-كٶلٸك ينفراقۇرىلىمىن دامىتۋ باسقارماسىنا جول شۇڭقىرلارىن جٶندەۋدٸ جەدەلدەتۋدٸ تاپسىردىم.
ەكٸنشٸ. جولداردى ورتاشا جٶندەۋگە كٸرٸسۋ قاجەت. تٸزٸمگە جٶندەۋدٸ قاجەت ەتەتٸن جولداردى ەنگٸزۋ قاجەت. ادام كٶپ جٷرەتٸن, جاڭا سالىنىپ جاتقان اۋداندارداعى كٶشەلەرگە مەن بەرگەن جٶن. سونىمەن قاتار بۇرىن اسفالت تٶسەلمەگەن كٶشەلەردٸ دە قوسۋ قاجەت. بىلتىرعىداي قالانىڭ ەسكٸ بٶلٸگٸ مەن ەلدٸ مەكەندەرگە دە باسا نازار اۋدارامىز.
ٷشٸنشٸ. بەيٸندٸ باسقارما مەن جول قىزمەتكەرلەرٸنە قويىلعان تالاپ جوعارى, سۇرانىس تا جوعارى بولماق! ساپاسىز جۇمىستار قابىلدانبايدى. جوسىقسىز مەردٸگەرلەردٸ سوتقا بەرٸپ, قارا تٸزٸمگە ەنگٸزەمٸز.
تٶرتٸنشٸ. «قازاۆتوجولعا» ەسكەرتۋ جاسالدى. جٶندەۋدە ساپاسىز ماتەريالداردى پايدالانۋعا جول بەرٸلمەيدٸ.
بەسٸنشٸ. اسفالتبەتون زاۋىتىنىڭ جۇمىسىن ٸسكە قوسامىز. بۇل جول جۇمىستارىنىڭ قارقىنىن جەدەلدەتۋگە مٷمكٸندٸك بەرەدٸ.
«جول قۇرىلىسى ستراتەگييالىق باعىتقا جاتادى. قالادا ٶمٸر سٷرۋگە جايلى جاعداي جاساۋ ماڭىزدى. بىلتىر 170-تەن استام كٶشە جٶندەلدٸ. ونىڭ 100-ٸ – ەلدٸ مەكەندەردە. بيىل با بىلتىرعى كٶرسەتكٸشتەن كەم تٷسپەي, جۇمىس اتقارامىز», - دەپ تٷيٸندەدٸ ەكٸم.
