قر قارۋلى كٷشتەرٸنٸڭ ەسكەري قىزمەتشٸسٸ, كاپيتان ماقسۇت جۇماەۆ قىرعىزستان تاۋلارىندا جوعالعان قازاقستاندىق الپينيستەردٸ ٸزدەستٸرۋ جۇمىستارىنىڭ بٷگٸنگٸ نەتيجەسٸ تۋرالى مەلٸم ەتتٸ, دەپ حابارلايدى قازاقپارات.
«تاڭەرتەڭ جەڭٸس شىڭىن تٸكۇشاقپەن ارالاپ شىقتىق. جوعالعان الپينيستەردٸ ٸزدەستٸرۋدٸڭ بولجامدى تەرريتوريياسى بەلگٸلەندٸ. ول جەرگە تٸكۇشاقتارمەن سەگٸز رەت شولۋ جٷرگٸزدٸك. الپينيستەر بولۋى مٷمكٸن جەرلەردٸ قاراۋدى تاڭەرتەڭ جالعاستىرۋ شەشٸمٸ قابىلداندى. جۇمىستار جالعاسۋدا. اۋا رايى جاعدايى دا بۇعان مٷمكٸندٸك بەرٸپ وتىر. ەرتەڭ تاڭەرتەڭ كٷن رايىنا قاراي قايتا ۇشامىز», - دەدٸ ول قر قورعانىس مينيسترلٸگٸ ۇسىنعان ۆيدەودا.
مينيسترلٸك بۇعان دەيٸن ۇسىنعان مەلٸمەتتە قازاقستان ەسكەريلەرٸ قىرعىزستاندا جەڭٸس شىڭىن تەپلوۆيزورمەن شولعىنداپ, اينالا ۇشىپ شىققانىن مەلٸم ەتكەن بولاتىن. «قازٸرگٸ ۋاقىتتا ولار بازالىق لاگەردە. تەپلوۆيزوردىڭ كٶمەگٸمەن الىنعان اقپاراتتى ٶڭدەپ جاتىر. سودان كەيٸن بۇدان ەرٸ قالاي ەرەكەت ەتۋ كەرەكتٸگٸ شەشٸلەتٸن بولادى», - دەلٸنگەن ەدٸ اقپاراتتا.
ەسكە سالساق, الماتىلىق الپينيستەر مۇرات ٶتەپباەۆ, اندرەي كورنەەۆ جەنە الەكساندر چەچۋلين قىرعىز تاۋلارىندا جوعالىپ كەتتٸ. الماتى قالاسىنىڭ ەكٸمٸ باقىتجان ساعىنتاەۆ الپينيستەر توبىنىڭ ٸز-تٷزسٸز كەتۋٸنە قاتىستى Instagram پاراقشاسىندا الاڭداۋشىلىق بٸلدٸردٸ. كەيٸنٸرەك قۇزعا ٶرمەلەۋشٸلەردٸڭ بٸرٸنٸڭ قىزى ەلەۋمەتتٸك جەلٸ ارقىلى قالىڭ كٶپشٸلٸكتەن كٶمەك سۇرادى. كٶپ ۇزاماي قر قورعانىس مينيسترلٸگٸ الپينيستەردٸ قۇتقارۋ وپەراتسيياسىن باستاعانىن مەلٸم ەتتٸ. قۇتقارۋشىلار توبىنا ەيگٸلٸ الپينيست ماقسۇت جۇماەۆ جەتەكشٸلٸك ەتۋدە.
قر سىرتقى ٸستەر مينيسترلٸگٸنٸڭ اقپاراتىنا سەيكەس, 2019 جىلدىڭ 17 تامىزىندا بٸشكەكتەگٸ قازاقستاندىق كونسۋلدىققا قازاقستاننىڭ 3 الپينيسٸ تيان-شان تاۋىنىڭ (قىرعىزستان, ىستىقكٶل وبلىسى) جەڭٸس شىڭىندا جوعالىپ كەتكەندٸگٸ تۋرالى اقپارات تٷستٸ. قازاقستان ازاماتتارى مۇرات ٶتەپباەۆ, اندرەي كورنەەۆ جەنە الەكساندر چەچۋليننٸڭ 4 تامىز كٷنٸ جەڭٸس شىڭىنا ساپارلاپ شىققاندىعى انىقتالدى. ولاردىڭ بارلىعى دا كەسٸبي جەنە تەجٸريبەلٸ الپينيستەر. 14 تامىزدا ولار اتالعان شىڭدى باعىندىرعان. سول كٷنٸ اۋا رايى ناشارلاپ كەتكەن.
الپينيستەر 15 تامىز كٷنٸ شامامەن ساعات 08.15-تە سوڭعى رەت بايلانىسقا شىعىپ, ورىن العان جايتقا قاتىستى دابىل قاققان. سونداي-اق, ولار ا.چەچۋليننٸڭ قازا تاپقاندىعىن ەستٸرتكەن. الپينيستەر دابىل قاققان سەتتە ولار 6 900 مەتر بيٸكتٸكتە بولعان. شاتىرلارى مەن جابدىقتارىن جەل ۇشىرىپ كەتكەن. ولار قاردان شۇڭقىر قازىپ, سوعان جاسىرىنعاندىقتارىن ايتقان.
