كەيبٸر ەلدەردە ۆاكتسينالاۋدىڭ كەشٸگۋٸ كوروناۆيرۋستىڭ جاڭا نۇسقالارىنىڭ پايدا بولۋىنا ەكەلۋٸ مٷمكٸن. بۇل تۋرالى پروفيلاكتيكالىق مەديتسينا اكادەميياسىنىڭ پرەزيدەنتٸ, امەريكا دەنساۋلىق ساقتاۋ قاۋىمداستىعىنىڭ مٷشەسٸ الماز شارمان ونلاين بريفينگ بارىسىندا ايتتى, دەپ حابارلايدى قازاقپارات.
پروفەسسوردىڭ سٶزٸنشە, ۆيرۋستىڭ شتامدارى مەن ۆاريانتتارىن اجىراتۋ قاجەت. كەيبٸر تەحنيكالىق ايىرماشىلىقتار بار.
«بٸز كوروناۆيرۋستىڭ ەر تٷرلٸ نۇسقالارى تۋرالى ايتىپ جاتىرمىز. 1 ماۋسىمنان باستاپ دٷنيەجٷزٸلٸك دەنساۋلىق ساقتاۋ ۇيىمى ولاردى گرەك الفاۆيتٸ ەرٸپتەرٸمەن, ياعني – «الفا», «بەتا», گامما, «دەلتا» دەپ اتاپ كەلەدٸ. جالپى پاندەمييا باستالعالى بٷكٸل ەلەمدە كٶپتەگەن نۇسقالار تٸركەلدٸ. شامامەن اي سايىن ەكٸ نەمەسە ٷش نۇسقا پايدا بولدى. سونىمەن قاتار تيٸمدٸ ۆاكتسينالاردىڭ پايدا بولۋىمەن مۋتاتسييانىڭ جيٸلٸگٸ جىلدامدادى. بۇل تابيعي ەۆوليۋتسييالىق پروتسەسس, - دەدٸ پروفەسسور.
ونىڭ ايتۋىنشا, ۆيرۋس تٸرٸ قالۋدىڭ جولىن ٸزدەپ, بەلسەندٸ تٷردە مۋتاتسييالانا باستايدى.
«ٸس جٷزٸندە, ۆيرۋستىڭ تەك 30 مىڭ نۋكلەوتيد نەگٸزٸ بار جەنە ونىڭ مۋتاتسييالىق نۇسقالارىنىڭ سانى شەكتەۋلٸ. ۆيرۋستاردىڭ بٸرنەشە نۇسقالارى بار, ولار جۇقپالى جەنە ۆاكتسينالارعا تٶزٸمدٸ بولۋى مٷمكٸن, بٸراق ولار جۇقپالىلىعىن جوعالتادى. بۇل الفا, بەتا جەنە گامما نۇسقالارىمەن بولدى. بٸز قازٸر «دەلتانىڭ» ٶتە جۇقپالى نۇسقاسىمەن كٷرەسٸپ جاتىرمىز. بۇل كوروناۆيرۋستىڭ سوڭعى اگرەسسيۆتٸ نۇسقاسى دەپ ويلايمىن جەنە بولاشاقتا پاندەمييا بەسەڭدەۋٸ كەرەك», - دەدٸ الماز شارمان.
سپيكەر ۆيرۋستىڭ وڭتٷستٸكافريكالىق نۇسقاسىنىڭ ۆاكتسيناعا تٶزٸمدٸ ەكەنٸ انىقتالعانىن جەتكٸزدٸ. الايدا ول تەز جۇقپايتىن كٶرٸنەدٸ. ال «دەلتا» نۇسقاسى ٶزٸنەن بۇرىنعىلاردى ىعىستىرىپ, قاۋٸپتٸ ەرٸ جۇقپالى بولىپ شىققان.
سونىمەن قاتار, ول ۆيرۋستىڭ شتاممدارى مەن نۇسقالارىن شاتاستىرماۋدى سۇرادى. ول شتامدار ۆيرۋستىڭ تاعى بٸر ساپالىق سيپاتتاماسى ەكەنٸن اتاپ ٶتتٸ.
