الماتى ەكٸمٸ باقىتجان ساعىنتاەۆ قالادا جاعدايدى تۇراقتاندىرۋعا جەنە تەرتٸپ ورناتۋعا ىقپال ەتكەنٸ ٷشٸن قالا تۇرعىندارىنا العىس ايتتى, دەپ حابارلايدى قازاقپارات.
قالا ەكٸمٸ پرەزيدەنتتٸڭ باتىل ٸس-قيمىلى مەن شەشٸمٸ ەلدٸڭ كٷيرەۋٸنٸڭ الدىن الۋعا سەپتٸگٸن تيگٸزگەنٸن ايتتى.
«بٸز قازاقستاندىقتاردىڭ قيىن كەزەڭدە ۇيىمشىل بولىپ, جۇمىلعان جۇدىرىقتاي ەرەكەت ەتە الاتىنىنا تاعى دا كٶز جەتكٸزدٸك. الماتىلىقتارعا تەرتٸپسٸزدٸك كەزٸندە كٶرسەتكەن سابىرلىلىق پەن باتىلدىق جەنە بٸزگە كٶرسەتكەن كٶمەكتەرٸڭٸز ٷشٸن العىس ايتامىن», - دەدٸ قالا ەكٸمٸ.
ايتا كەتەيٸك, قازٸرگٸ ۋاقىتتا الماتىنىڭ تىنىس-تٸرشٸلٸگٸن قالپىنا كەلتٸرۋ جٶنٸندەگٸ قالالىق شتاب تەۋلٸك بويى جۇمىس ٸستەۋدە. قالانىڭ بارلىق قىزمەتتەرٸ انتيتەرروريستٸك ورتالىقپەن تىعىز قارىم-قاتىناستا. بارلىق مەسەلەلەر كەلٸسٸلگەن تٷردە شەشٸلۋدە جەنە قالا بٸرتٸندەپ قالىپتى جاعدايعا ورالۋدا.
قالانىڭ بارلىق اۋداندارىندا تازالىق جۇمىستارى جٷرگٸزٸلۋدە. كٶشەلەردەن 200 توننادان استام قوقىس, اۋلالاردان مىڭ توننادان استام قتق شىعارىلدى. كوممۋنالدىق قىزمەتتەر ەسكەري قىزمەتشٸلەر زالالسىزداندىرعان اۋماقتارعا كٸرەدٸ. قۇقىق قورعاۋ ورگاندارى قالانى تازارتۋدى جالعاستىرۋدا. بۇل كٷندەرٸ قالانىڭ تىنىس-تٸرشٸلٸگٸن قامتاماسىز ەتۋ جٷيەسٸ ٷزٸلٸسسٸز جۇمىس ٸستەدٸ. حالىقتى سۋمەن جابدىقتاۋ, كەرٸز, گازبەن جابدىقتاۋ, جىلۋ قىزمەتتەرٸمەن قامتاماسىز ەتۋ شتاتتىق رەجيمدە جٷرگٸزٸلەدٸ.
قالانىڭ ازىق-تٷلٸك قاۋٸپسٸزدٸگٸ قامتاماسىز ەتٸلدٸ. 80-گە جۋىق سۋپەرماركەت, ٷش ٸرٸ ازىق-تٷلٸك بازارى, 70-كە جۋىق جقس, 111 دەرٸحانا جۇمىس ٸستەي باستادى, ولاردىڭ ٷشەۋٸ تەۋلٸك بويى جۇمىس ٸستەيدٸ. اۆتوگاز باعاسى ليترٸنە 70 تەڭگەگە دەيٸن تٶمەندەدٸ.
قالا ەكٸمٸ باقىتجان ساعىنتاەۆ تٶتەنشە جاعداي رەجيمٸنٸڭ تالاپتارىن مٷلتٸكسٸز ساقتاۋ جەنە كومەندانتتىق ساعاتتى بۇزباۋ قاجەتتٸگٸن ەسكە سالدى.
«قابىلدانىپ جاتقان شارالار قالا ٶمٸرٸن بٸرتٸندەپ قالىپقا كەلتٸرۋگە مٷمكٸندٸك بەردٸ. بٸزدەن تەك سابىرلىق, شىدامدىلىق پەن تٷسٸنٸستٸك قاجەت», - دەدٸ ول.
