جەدەل-قۇتقارۋ جاساعىنىڭ قۇتقارۋشىلارى جوعالعان ەر ادامدى مەمەتوۆا شىڭىنىڭ مۇزدىعىندا تاپتى. بۇل تۋرالى تجم حابارلادى.
«رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى جوعالىپ كەتكەن ەر ادامدى مەمەتوۆا شىڭىنىڭ مۇزدىعىنان تاپتى. بٷگٸن مۇزدىقتى تەكسەرۋ كەزٸندە رجقج قىزمەتكەرلەرٸنٸڭ جاياۋ توبى ەر ادامدى تاپتى. ول قاتتى توڭىپ قالعان, قۇتقارۋشىلار وعان جىلى كيٸم بەردٸ. مەديتسينالىق كٶمەككە مۇقتاج بولعان جوق. قازٸرگٸ ۋاقىتتا رجقج جەدەل توبى تاۋدان تۋريستپەن بٸرگە تٷسٸپ كەلە جاتىر», - دەلٸنگەن حابارلامادا.
ەسكە سالا كەتەيٸك, 18 شٸلدە كٷنٸ تۋريست ٸلە الاتاۋى تاۋلارىندا جوعالىپ كەتكەن بولاتىن. ٸزدەستٸرۋدٸ رجقج قۇتقارۋشىلارى الپينيزم فەدەراتسيياسىنىڭ الپينيستەرٸمەن بٸرلەسٸپ جٷرگٸزدٸ.
