ارسەنال قويماسى الماتىداعى مەملەكەتتٸك مۇراجايدىڭ جانىنان تابىلدى, دەپ حابارلايدى قازاقپارات.
پوليتسييادان حابارلاعانداي, قىزمەتتٸك-ٸزدەۋشٸ يت ارسەنال قويماسىن تاپتى.
«جەدەل ٸس-شارالاردى جٷرگٸزۋ بارىسىندا «سامال» ىقشاماۋدانىندا مەملەكەتتٸك مۇراجايدىڭ جانىنان قىزمەتتٸك-ٸزدەۋشٸ يت قارۋ-جاراق قويماسىن تاپتى. جاسىرىلعان جەردەن تراۆماتيكالىق قارۋلار مەن گراناتالار تەركٸلەندٸ. جاقىن جەردەگٸ قوقىس جەشٸگٸنەن پاتروندار تابىلدى: 12 كاليبرلٸ – 19 دانا, 7,62 كاليبرلٸ – 7 دانا, 5,45 كاليبرلٸ – 4 دانا. وق-دەرٸلەردٸڭ كٸمگە تيەسٸلٸ ەكەنٸ تەكسەرۋ بارىسىندا انىقتالادى», – دەدٸ مەدەۋ اۋداندىق پوليتسييا باسقارماسىنىڭ باستىعى دەۋرەن ٶتەباەۆ.
