الماتى ماڭىنداعى العاشقى ەكولوگييالىق بەكەت ٶز جۇمىسىن باستادى. بٸر تەۋلٸكتە ەلۋگە جۋىق كٶلٸك توقتاتىلىپ, ولاردان شىعاتىن زيياندى زاتتاردىڭ مٶلشەرٸ ٶلشەندٸ, دەپ حابارلايدى قازاقپارات.
جاڭارتىلعان ەكوپوستتاردا كٶپكومپونەنتتٸ گازاناليزاتورلار قولدانىلادى. سول ارقىلى بەنزين جەنە گازبەن جٷرەتٸن كٶلٸكتەردەن شىعاتىن زيياندى زاتتاردى ٶلشەيدٸ. ياعني, كٶمٸرسۋتەكتەر, كٶمٸرتەك توتىعى, كٶمٸرقىشقىل گازى, ازوت وكسيدتەرٸ تەكسەرٸلەدٸ. ديزەلمەن جٷرەتٸن كٶلٸكتەر دە نازاردان تىس قالمايدى.
«قۇلجا تاس جولىنداعى ەكولوگييالىق بەكەتتٸڭ جۇمىس ٸستەپ تۇرعانىنا 10 جىلداي ۋاقىت بولدى. وسى ۋاقىت ارالىعىندا ول ەسكٸردٸ. سوندىقتان ونى قايتا قالپىنا كەلتٸردٸك. گازداردى ٶلشەۋگە ارنالعان قوندىرعىسى بار جاڭا مودۋلدٸك عيمارات ورناتىلدى. جاڭارتىلعان ەكوپوست قاراشا ايىنان باستاپ تەستٸلٸك رەجيمدە جۇمىس ٸستەي باستادى. جاقىن ارادا تاعى وسىنداي 17 ەكوپوست پايدا بولادى. جەر ۋچاسكەسٸ بٶلٸندٸ. ەكٸ اپتا سايىن بٸر ەكوپوست ٸسكە قوسىلادى. بىلتىر اۋا ساپاسىن باقىلاۋعا ارنالعان 10 اۆتوماتتى ستانتسييا ورناتتىق. ستانتسييالار اتموسفەراداعى لاستاۋشى زاتتاردىڭ كٶلەمٸن, سونداي-اق ىلعالدىلىق, تەمپەراتۋرا, قىسىم, جەل باعىتى مەن جىلدامدىعىن ٶلشەيدٸ», - دەدٸ الماتى قالالىق جاسىل ەكونوميكا باسقارماسى باستىعىنىڭ ورىنباسارى ايدىن تەمەشەۆ.
ەكوپوستاردا كٶلٸكتەردەن شىعاتىن زيياندى زاتتاردى ٶلشەۋگە ارنايى وقىتىلعان 60 – تان استام مامان جۇمىلدىرىلادى.
19 ەكوپوستتىڭ ەرقايسىسى ٷشٸن جوسپار قۇرىلدى, وعان سەيكەس كٷنٸنە 500-دەن استام كٶلٸك تەكسەرٸلۋٸ كەرەك.
«جاڭارتىلعان ەكوپوست جۇمىسىن كەشە باستادى. بٸر تەۋلٸكتە 48 كٶلٸك توقتاتىلدى. ونىڭ ٸشٸندە جەتٸ اۆتوكٶلٸك يەسٸنە حاتتاما تولتىرىلدى. ەكٸمشٸلٸك ايىپپۇل 434-باپ بويىنشا سالىنادى. بٸرٸنشٸ رەت ەسكەرتۋ رەتٸندە 2 اەك ايىپپۇل سالىنادى, ەگەر كٶلٸك قۇرالى ەكٸنشٸ رەت توقتاتىلسا, وندا 5 اەك, ال ەگەر ول ٷشٸنشٸ رەت قايتالانسا, اۆتوكٶلٸك يەسٸ 10 اەك كٶلەمٸندە ايىپپۇل تٶلەۋٸ كەرەك. سوندىقتان, ەسكەرتۋ العاننان كەيٸن اۆتوكٶلٸك يەسٸ ماشيناسىن مەملەكەتتٸك ستاندارتقا جەنە زەرتحانالىق تەكسەرۋدەن ٶتكٸزۋ قاجەت», - دەپ قوستى الماتى قالالىق جەرگٸلٸكتٸ پوليتسييا قىزمەتٸ باستىعىنىڭ ورىنباسارى ەرجان ۇزاباەۆ.
