23 مامىردان باستاپ الماتى قالاسىنىڭ بٸرقاتار كٶشەسٸندە كٶلٸك قوزعالىسىنىڭ جاڭا تەرتٸبٸ ەنگٸزٸلەدٸ, دەپ حابارلايدى ult.kz.
قالالىق جول قوزعالىسى جەنە جولاۋشىلار كٶلٸگٸن ۇيىمداستىرۋ باسقارماسىنىڭ مەلٸمەتٸنشە, ۋەليحانوۆ كٶشەسٸنٸڭ قابانباي باتىر كٶشەسٸنەن قازىبەك بي كٶشەسٸنە دەيٸنگٸ بٶلٸگٸندە سولتٷستٸك باعىتتا بٸرجاقتى قوزعالىس ۇيىمداستىرىلادى.
سونىمەن قاتار جۋكوۆ كٶشەسٸندە وڭتٷستٸك باعىتتا جەنە ماناەۆ كٶشەسٸندە سولتٷستٸك باعىتتا زاتاەۆيچ كٶشەسٸنەن احمەدياروۆ كٶشەسٸنە دەيٸنگٸ ارالىقتا دا بٸرجاقتى قوزعالىس ەنگٸزٸلەدٸ.
مامانداردىڭ ايتۋىنشا, بۇل شەشٸم الماتى قالاسى پوليتسييا دەپارتامەنتٸنٸڭ ەكٸمشٸلٸك پوليتسييا باسقارماسىمەن بٸرلەسٸپ قابىلدانعان. نەگٸزگٸ ماقسات – كٶلٸك جٷكتەمەسٸن ازايتۋ, كٶشە-جول جەلٸسٸنٸڭ ٶتكٸزۋ قابٸلەتٸن ارتتىرۋ جەنە جولداعى كەپتەلٸس پەن قاۋٸپتٸ جاعدايلاردىڭ سانىن تٶمەندەتۋ.
باسقارما ٶكٸلدەرٸ ٶزگەرٸستەر قازٸرگٸ كٶلٸك جاعدايىنا جٷرگٸزٸلگەن تالداۋ مەن اۋدان تۇرعىندارىنىڭ ٶتٸنٸشتەرٸ نەگٸزٸندە قابىلدانعانىن اتاپ ٶتتٸ.
سونداي-اق جاڭا قوزعالىس تەرتٸبٸ ەزٸرگە پيلوتتىق رەجيمدە ٸسكە قوسىلادى. مونيتورينگ نەتيجەسٸنە قاراي الداعى ۋاقىتتا قوسىمشا شەشٸمدەر قابىلدانباق.
