اۆتوتۇراق اقىسىن تٶلەۋدەن جالتارعان الماتىلىقتارعا 920 ميلليون تەڭگەدەن استام سوماعا 143 مىڭ ۇيعارىم (ايىپپۇل) شىعارىلدى. بۇل تۋرالى A-پاركينگ كومپانيياسىنىڭ ٶكٸلدەرٸ ايتتى, دەپ حابارلايدى قازاقپارات.
كومپانييانىڭ حابارلاۋىنشا, 2019 جىلى «دوزور-م» فوتوفيكساتسييا اپپارات-باعدارلاما كەشەنٸمەن جابدىقتالعان, كٶلٸك نٶمٸرلەرٸن تانيتىن جەنە كٶلٸك تۇراعىن تٶلەۋ نەمەسە تٶلەمەۋ تۋرالى اقپاراتتى تٸركەيتٸن 11 اۆتوموبيل ٸسكە قوسىلعان.
كومپانييانىڭ IT ديرەكتورى راشيد ماقسۇتوۆتىڭ ايتۋىنشا, جٷيە اۆتوماتتاندىرىلعان. اقىلى تۇراققا قويىلعان كٶلٸكتەردٸ تٸركەپ وتىراتىن ارنايى ماشينا قالا بويىنشا جٷرٸپ, بارلىق كٶلٸكتەردٸ جاپپاي بەلگٸلەيدٸ.
«ەگەر كٶلٸك تۇراق ايماعىندا بولسا, وندا ارنايى كامەرالار اۆتوتۇراققا قويىلعان بارلىق كٶلٸكتەردٸ تٷسٸرەدٸ. ول مەملەكەتتٸك نٶمٸردٸ تٸركەۋ ارقىلى, GPS-كە سۋرەتكە تٷسٸرٸلگەن كٶشەنٸ, ۋاقىتى مەن كٷنٸن بايلانىستىرىپ جٸبەرەدٸ. سونىمەن, اۆتوموبيل كٷنٸ بويى جٷرەدٸ. ەرٸ قاراي, اۆتوماتتاندىرىلعان جٷيە ۋاقىتتى ەسەپتەيدٸ. وسىلايشا, بٸز كٶلٸكتٸڭ ول جەردە قانشا ۋاقىت تۇرعانىن انىقتايمىز. بۇدان ەرٸ, جٷيە تٶلەم فاكتٸسٸن تەكسەرەدٸ, ەگەر تٶلەم جاساعانى راستالسا, وعان ەشقانداي شاعىم بولمايدى. ەگەر تٶلەمەگەن بولسا, جٷيە ۇيعارىم شىعارۋ تۋرالى ۇسىنىس جاسايدى, بٸز قۇجاتتى كەلەسٸ كٷنٸ پوليتسيياعا جٸبەرەمٸز», - دەپ تٷسٸندٸردٸ ول.
كومپانييا ديرەكتورى مارات پٸرٸنبەكوۆتٸڭ ايتۋىنشا, اقىلى اۆتوتۇراقتار جٷيەسٸ جۇمىس ٸستەگەن ۋاقىتتان باستاپ مەملەكەتتٸك بيۋدجەتكە 1,7 ملرد تەڭگە تٷسٸرگەن. ونىڭ 561 ملن – سالىق اۋدارىمدارى, 267 ملن – كٶلٸك تۇراعى ٷشٸن تٶلەمدەر, 247 ملن – مەملەكەتكە مٸندەتتٸ تٶلەمدەر, 622 ملن تەڭگە قالا بيۋدجەتٸنە جقە بۇزعانى ٷشٸن ايىپپۇل تٷرٸندە تٷستٸ. بۇل قاراجات الماتى قالاسىنىڭ كٶلٸك جەنە جول جەلٸسٸنٸڭ جاعدايىن جاقسارتۋعا باعىتتالعان.
