الماتى قالاسىنىڭ باس سانيتار دەرٸگەرٸ جانداربەك بەكشين قالا تۇرعىندارىنىڭ كٶبٸنە قاي جەردە ۆيرۋس جۇقتىراتىنىن ايتتى, دەپ حابارلايدى "ۇلت اقپارات".
«كوروناۆيرۋس سەبەپتەرٸن تالداۋ كەزٸندە جۇقتىرۋدىڭ 56%-ى جۇمىس ورنىندا بولعانى انىقتالدى. 20%-ىندا, ياعني 1948 جاعدايدا وتباسى مٷشەلەرٸنەن جۇققان. 13 جاعدايدا نەدەن جۇققانى بەلگٸسٸز», - دەيدٸ ج.بەكشين.
ونىڭ ايتۋىنشا, تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ ناۋقاستارمەن بايلانىستا بولعان تۇلعالاردىڭ دەنساۋلىعىن جٸتٸ باقىلاپ وتىر.
«جاقىن بايلانىستا بولعان 48 مىڭ ادام, جۇمىس بابىمەن بٸرگە بولعان 22 مىڭ ادام باقىلاۋدا. 7 مىڭ ادامنىڭ دەنساۋلىعى ٷي كارانتينٸندە باقىلانىپ وتىر» دەپ اتاپ ٶتتٸ باس سانيتار دەرٸگەر.
