فوتو: قر وام
الماتى قالاسىنداعى №79 گيمنازييانىڭ 11-سىنىپ وقۋشىسى دانا قادىربەك جاھاندىق سۋ تاپشىلىعى مەسەلەسٸن شەشۋدٸڭ جولىن تاپتى, دەپ حابارلايدى Ult.kz.
وقۋشى سوڭعى ەكٸ جىلدا قازاقستاندىق بٸلٸم بەرۋ سالاسىنىڭ ەلەمدٸك ارەناداعى ناعىز ەلشٸسٸنە اينالدى. ونىڭ جوبالارى مەكتەپ باعدارلاماسىنىڭ شەڭبەرٸنەن شىعىپ, حالىقارالىق ۇيىمداردىڭ قىزىعۋشىلىعىن تۋدىرىپ وتىر.
2024-2025 جىلدارى دانا قادىربەك Kazakhstan Smart Space اتتى عارىشتىق تەحنولوگييالار بويىنشا حالىقارالىق كونكۋرستاردا جٷلدەلٸ ورىندارعا يە بولىپ, ينجەنەرييا سالاسىنداعى تەرەڭ بٸلٸمٸن دەلەلدەدٸ. بۇدان كەيٸن اقش-تاعى Olympiad USA ماتەماتيكالىق وليمپياداسىندا 2-ورىندى يەلەنٸپ, يندونەزييادا ٶتكەن YISF كونكۋرسىندا جەڭٸسكە جەتتٸ. الايدا ونىڭ ناعىز جەتٸستٸكتەرٸ اۋادان سۋ الۋ تەحنولوگيياسىنا دەن قويعان كەزدە باستالدى.
2025 جىلدىڭ شٸلدەسٸندە سەۋلدە ٶتكەن WICO دٷنيەجٷزٸلٸك جاستار عىلىمي وليمپياداسىندا دانا التىن مەدال الدى. قازىلار القاسىن وقۋشىنىڭ «اتموسفەرادان سۋ جيناۋعا ارنالعان اليۋمينيي فۋماراتى نەگٸزٸندەگٸ مەتالل-ورگانيكالىق قاڭقالى قۇرىلىمداردىڭ سينتەزٸ» اتتى تاقىرىبى تاڭعالدىردى. قاراپايىم تٸلمەن ايتقاندا, بۇل قۇرىلعى تٸپتٸ قۋاڭشىلىق جاعدايدا اۋىز سۋ ٶندٸرە الادى.
2026 جىلدىڭ سەۋٸر ايىندا ۆەناداعى بۇۇ شتاب-پەتەرٸندە UNIDO ۇيىمداستىرعان Cleantech Days Forum 2026 شاراسىندا دانا قادىربەك ەلەمدەگٸ ەڭ ٷزدٸك 3 جاس ٶنەرتاپقىشتىڭ قاتارىنا كٸردٸ.
