الماتى دەرٸگەرلەرٸ كٶپتەگەن ٸشەك فيستۋلاسىمەن اۋرۋحاناعا تٷسكەن ناۋقاستى امان الىپ قالدى, دەپ حابارلايدى قازاقپارات.
الماتى قالالىق قوعامدىق دەنساۋلىق ساقتاۋ باسقارماسىنىڭ مەلٸمەتٸنشە, 45 جاستاعى ناۋقاس يلەوستومييا – وتادان كەيٸنگٸ قۇرساق قۋىسىنداعى ساڭىلاۋ, ٸشتٸڭ ورتا بٶلٸمٸندەگٸ ٸشەك فيستۋلالارىنا جاسالعان وتادان كەيٸنگٸ تىرتىقتىڭ سالدارىنان بولعان اشىق جارامەن الماتى قالالىق جەدەل شۇعىل كٶمەك كٶرسەتۋ اۋرۋحاناسىنىڭ (قجشككا) حيرۋرگييالىق بٶلٸمشەسٸنە شۇعىل تٷردە تٷستٸ.
پاتسيەنت جارا سالدارىنان تەۋلٸگٸنە 5 ليترگە دەيٸن سۇيىق جوعالتقان, بٸر ايدا 30 كەلٸ سالماق تاستاعان, اۋرۋحاناعا ەلسٸز كٷيدە تٷستٸ. بۇعان دەيٸن, پاتسيەنتكە الماتى جەنە الماتى وبلىسىنىڭ اۋرۋحانالارىندا 7 رەت وتا جاسالعان.
قجشككا تەجٸريبەلٸ دەرٸگەرلەرٸ مەن مەدبيكەلەرٸنەن قۇرالعان بريگادا لاپاروتومييا, ادگەزيوليز, ٸلمەكارالىق ابستسەستٸ اشۋ, يلەو-استسەندو-اناستوموزىمەن يلەوستومييانى جويۋدى ٸسكە اسىرىپ, قۇرساق قۋىسىنا ساناتسييا جەنە درەناجداۋ جاسادى.
«بٶلٸمشەگە تٷسكەندە ناۋقاستىڭ جاعدايى ٶتە اۋىر بولدى: ٸشكەن سۋى سۇيىق رەتٸندە بٸردەن جارادان قايتا شىعىپ, وعان اۋىرتپالىق تٷسٸرٸپ, ەبدەن قاجىتقان. بٸرٸنشٸ وتا 7 ساعاتقا سوزىلعاندىقتان, بٸزگە دە قيىن بولدى. بٸز مۇنداي وتالاردى جيٸ بولماسا دا, بۇعان دەيٸن دە جاساعانبىز. حيرۋرگييادا بۇل ەڭ قيىن وتالاردىڭ بٸرٸ بولىپ سانالادى. ونىڭ ٷستٸنە ناۋقاس ٶتە ەلسٸز بولدى», - دەيدٸ دەرٸگەر نۇرحات ەسەنبەكوۆ.
ناۋقاستىڭ جاعدايى وڭالعان سوڭ, وعان ەكٸنشٸ وتا جاسالدى.
قازٸر پاتسيەنتتٸڭ جاعدايى جاقسى, ول ٷيٸنە شىعارىلدى.
