جەدەل شۇعىل كٶمەك كٶرسەتۋ اۋرۋحاناسىنىڭ دەرٸگەرلەرٸ 102 جاستاعى كەيۋاناعا وتا جاسادى, دەپ حابارلايدى "ۇلت اقپارات".
الماتى قالالىق قوعامدىق دەنساۋلىق ساقتاۋ باسقارماسىنىڭ مەلٸمەتٸنشە, 102 جاستاعى اننا شەستوپالوۆا سان سٷيەگٸ سىنىپ, اۋرۋحاناعا تٷسكەن. كەيۋانانىڭ جاسىنا قاراماستان, تراۆماتولوگتار وعان وتا جاساۋ تۋرالى شەشٸم قابىلدادى.
«بٸز العاش رەت جاسى 100-دەن اسقان ناۋقاسقا وتا جاسادىق. وسىدان بٸرنەشە جىل بۇرىن 96 جاستاعى زەينەتكەرگە وتا جاساعان ەدٸك, قازٸر ول 103 جاستا ەرٸ دەنساۋلىعى جاقسى. اننا اپامىز دا جاقىندارىن قۋانتادى دەپ ٷمٸتتەنەمٸز. ناۋقاستىڭ كٶڭٸل-كٷيٸ جاقسى. وتا سەتتٸ ٶتتٸ», - دەيدٸ تراۆماتولوگييا بٶلٸمٸنٸڭ مەڭگەرۋشٸسٸ ۆلاديمير سەميونوۆ.
دەرٸگەرلەر جاسى كەلگەن ٷلكەن كٸسلەرگە وتا جاساۋ قاۋٸپتٸ ەرٸ كٷردەلٸ ەكەنٸن ايتادى.
«ەدەتتە مۇنداي وتالار ناۋقاستىڭ جاسىنا بايلانىستى قيىن جاسالادى. بٸز وپەراتسييا جاساماس بۇرىن ناۋقاستى دايىنداپ, ونىڭ رۇقساتىن الدىق. بەرٸ ويداعىداي ٶتتٸ. وتا 35 مينۋتقا سوزىلدى»,– دەيدٸ تراۆماتولوگ احمەد داۆرەشوۆ
اننا شەستوپالوۆا ٶمٸر بويى باستاۋىش مەكتەپتە مۇعالٸم بولىپ جۇمىس ٸستەگەن. بٷگٸندە ونىڭ ٷش قىزىنان تاراعان بەس نەمەرەسٸ جەنە جەتٸ شٶبەرەسٸ بار.
ەكٸ عاسىردىڭ كۋەسٸ بولعان كەيۋانا, ۇزاق ٶمٸر سٷرۋٸنٸڭ سەبەبٸن ايتتى.
«مەنٸڭ ۇزاق ٶمٸر سٷرۋٸمنٸڭ سەبەبٸ ەردايىم مەيٸرٸمدٸ بولۋعا تىرىستىم, ەشقانداي اداممەن جانجالداسپاي, بارلىعىنا تەك جاقسىلىق تٸلەدٸم, بەرٸن جاقسى كٶردٸم, دۇرىس تاماقتانىپ, تازا اۋادا كٶبٸرەك ۋاقىت ٶتكٸزدٸم. سالاۋاتتى ٶمٸر سالتىن ۇستاندىم. مەن وتا جاساتۋدان قورىقپادىم, - دەيدٸ كەيۋانا
جالپى العاندا, الماتى قالالىق جەدەل شۇعىل كٶمەك كٶرسەتۋ اۋرۋحاناسىنىڭ تراۆماتولوگييا بٶلٸمشەسٸندە جىلىنا ەر تٷرلٸ 1500-عا جۋىق وتا جاسالادى, دەرٸگەرلەر كارانتين كەزەڭٸندە كٷردەلٸ قورعانىس شارالارىنا قاراماستان وتا جاساۋدى جالعاستىردى.
