سەۋٸر ايىندا الماتىعا قازاقستاندىق QazCOVID-in ۆاكتسيناسىنىڭ 6000 دوزاسىن, سونداي-اق «سپۋتنيك V» ۆاكتسيناسىنىڭ 65 000 دوزاسىن جەتكٸزۋ جوسپارلانىپ وتىر. مٷمكٸن قىتايلىق ۆاكتسينا جەتكٸزٸلەتٸن شىعار. بۇل تۋرالى ونلاين بريفينگ بارىسىندا قالانىڭ باس مەملەكەتتٸك سانيتار دەرٸگەرٸ جانداربەك بەكشين مەن قالالىق قوعامدىق دەنساۋلىق ساقتاۋ باسقارماسىنىڭ باستىعى ناريمان تابىنباەۆ مەلٸم ەتتٸ, دەپ حابارلايدى "ۇلت اقپارات".
الماتىنىڭ باس مەملەكەتتٸك سانيتار دەرٸگەرٸ مەن دەنساۋلىق ساقتاۋ باسقارماسىنىڭ باسشىسى سەۋٸر ايىندا قالادا جاپپاي ۆاكتسيناتسييالاۋ باستالاتىنىن ايتتى.
«الماتىدا سەۋٸردە جاپپاي ۆاكتسيناتسييا باستالادى. ۆاكتسيناتسييا پۋنكتتەرٸن 250 جەردە ورنالاستىرۋ جوسپارلانىپ وتىر. نەگٸزٸنەن مەملەكەتتٸك ەمحانالار, جەكە قۇرىلىمداعى مەديتسينالىق مەكەمەلەر قامتىلعان. بٸراق ساۋدا ورتالىقتارىن دا تارتۋعا بولادى. كەلٸسسٶزدەر جٷرگٸزٸلٸپ, جۇمىس توبى قۇرىلدى. دەنساۋلىق ساقتاۋ مينيسترٸ الەكسەي تسويدىڭ مەلٸمدەمەسٸنە سٷيەنسەك, الماتىعا 65 000-نان اسا «سپۋتنيك V» ۆاكتسيناسىن ەكەلۋ جوسپارلانعان», - دەدٸ ناريمان تابىنباەۆ.
جانداربەك بەكشين قازاقستاندىق KazCOVID-in ۆاكتسيناسىنىڭ التى مىڭ دوزاسىن جەتكٸزۋ سەۋٸر ايىنا جوسپارلانىپ وتىر دەدٸ.
ٶز كەزەگٸندە, قالالىق قوعامدىق دەنساۋلىق ساقتاۋ باسقارماسىنىڭ باسشىسى الماتىداعى جەكە مەديتسينالىق ورتالىقتا رەسەيلٸك ۆاكتسينانى اقىلى تٷردە ەگۋ ۇسىنىلادى دەگەن اقپاراتتى جوققا شىعاردى.
«ۆاكتسيناتسييا مەسەلەسٸ دەنساۋلىق ساقتاۋ مينيسترلٸگٸنٸڭ باقىلاۋىندا. بارلىق ۆاكتسينالار ارنايى ورگانمەن «سك-فارماتسييا» جشس ارقىلى ٶڭٸرلەرگە تاراتىلادى. الماتىدا «سك-فارماتسييا» جشس قىزمەتكەرلەرٸ پرەپاراتتى قالالىق ۆاكتسينالار قويماسىنا جەكە اپارىپ تاپسىرادى. 17 750 دوزا ارنايى قۇرىلعان كوميسسييانىڭ شەشٸمٸمەن بٶلٸندٸ. الماتىعا باسقا ۆاكتسينالاردىڭ جەتكٸزٸلگەنٸ تۋرالى تۋرالى مەلٸمەت جوق», - دەدٸ ول.
سپيكەرلەردٸڭ ايتۋىنشا, جاپپاي ۆاكتسيناتسييا ادامنىڭ قاي جەردەگٸ اۋرۋحاناعا تٸركەلگەنٸنە قاراماستان تەگٸن جٷرگٸزٸلەتٸنٸن جەتكٸزدٸ.
