الماتىداعى قازاق ۇلتتىق اگرارلىق ۋنيۆەرسيتەتٸنە ەليحان بٶكەيحاننىڭ ەسٸمٸن بەرۋ زاڭنامادا بەلگٸلەنگەن تەرتٸپپەن قارالادى. بۇل جايىندا مەجٸلٸس دەپۋتاتتارىنىڭ ساۋالىنا قر پرەمەر-مينيسترٸنٸڭ ورىنباسارى ەرالى توعجانوۆتىڭ جاۋابىندا ايتىلعان, دەپ حابارلايدى قازاقپارات.
«2020 جىلى قر اۋىل شارۋشىلىعى مينيسترلٸگٸنە قاراستى قازاق ورمان شارۋاشىلىعى جەنە اگرومەليوراتسييا عىلىمي-زەرتتەۋ ينستيتۋتىنا ە.بٶكەيحاننىڭ ەسٸمٸ بەرٸلدٸ. سونىمەن قاتار الماتى قالاسىنداعى قازاق ۇلتتىق اگرارلىق ۋنيۆەرسيتەتٸنە ە.بٶكەيحاننىڭ ەسٸمٸن بەرۋ مەسەلەسٸ زاڭنامادا بەلگٸلٸنگەن تەرتٸپپەن قارالادى», - دەدٸ ەرالى توعجانوۆ.
ٷكٸمەت باسشىسى ورىنباسارىنىڭ اتاپ ٶتۋٸنشە, ەليحان بٶكەيحاننىڭ ەسٸمٸ قاراعاندى وبلىسىندا ەرەكشە ۇلىقتالىپ كەلەدٸ. 1998 جىلى اقتوعاي اۋدانىندا «ٷش ارىس» (ە.بٶكەيحان, ج.اقباەۆ, ە.ەرمەكوۆ) ەسكەرتكٸشٸ ورناتىلدى. قازٸرگٸ تاڭدا ەسكەرتكٸش تۇرعان جەر «الاش» الاڭى دەپ اتالادى. 2013 جىلى ە.بٶكەيحاننىڭ تۋعان جەرٸ − اقتوعاي اۋدانىندا, جەكەجال قىستاۋىنىڭ ورنى توپىراقتان ارشىلىپ, ٸرگەتاسى رەتكە كەلتٸرٸلدٸ. 2016 جىلى اقتوعايداعى ە.بٶكەيحان اتىنداعى مەكتەپ الدىندا وعان ارنالعان بيۋست قويىلدى. 2019 جىلى قارقارالى قالاسىندا الاش ارىستارى ەليحان بٶكەيحان, احمەت بايتۇرسىنۇلى جەنە ەلٸمحان ەرمەكوۆكە ارنالعان ەسكەرتكٸش ورناتىلدى.
«ەليحان بٶكەيحاننىڭ 155 جىلدىق مەرەيتويى قارساڭىندا بيىل قاراعاندى قالاسىنداعى وكتيابر اۋدانىنا ۇلت قايراتكەرٸنٸڭ ەسٸمٸ بەرٸلدٸ. جالپى ٶڭٸردە ە.بٶكەيحاننىڭ ەسٸمٸ 11 كٶشە, 4 مەكتەپكە تٸركەلگەن. شىمكەنت قالاسىندا, اقمولا, اقتٶبە, اتىراۋ, جامبىل, قىزىلوردا, پاۆلودار, سولتٷستٸك قازاقستان, تٷركٸستان, شىعىس قازاقستان وبلىستارىندا ە. بٶكەيحاننىڭ ەسٸمٸ كٶشەلەر مەن مەكتەپتەرگە بەرٸلگەن, - دەدٸ ۆيتسە-پرەمەر.
