الماتى بيلٸگٸ قالا كٶشەلەرٸندە قانداي ٶزگەرٸستەر جاسايتىنىن مەلٸمدەدٸ. بۇل تۋرالى بٷگٸن الماتى ەكٸمدٸگٸندە ٶتكەن باسپاسٶز بريفينگ بارىسىندا ايتىلدى, دەپ حابارلايدى "ۇلت اقپارات".
اتاپ ايتقاندا, جاندوسوۆ كٶشەسٸ كەڭەيٸپ, BRT ەكٸنشٸ كەزەگٸنە جوبالىق-سمەتالىق قۇجاتتاما ەزٸرلەنەدٸ. ساين كٶشەسٸ ۇڭعىلانىپ سوزىلاتىن بولدى.
«BRT بٸرٸنشٸ كەزەڭٸندە جاندوسوۆ كٶشەسٸنٸڭ سٷلەيمەنوۆ پەن ٷلكەن الماتى ٶزەنٸنە دەيٸنگٸ بٶلٸگٸ قالىپ قويعان بولاتىن. شامامەن 1 شاقىرىم جول ەدٸ. بۇل ۋچاسكەدە جوسپار بويىنشا جولدىڭ ەنٸن كەڭەيتۋ كٶزدەلگەن. اتالعان بٶلٸكتە جول قوزعالىسى 6 جولاقتا جٷرگٸزٸلەدٸ. ناقتىراق ايتقاندا, كٶشەنٸڭ وڭ جاعى كەڭەيتٸلەدٸ. سول جەردەگٸ ٷيلەردٸڭ 90%-ى ساتىپ الىندى. بولاشاقتا ولار سٷرٸلەدٸ», - دەدٸ قالالىق موبيلدٸلٸك باسقارماسى باسشىسىنىڭ ورىنباسارى ەرنۇر ەبجاحان.
ونىڭ ايتۋىنشا, BRT جەلٸسٸنٸڭ ەكٸنشٸ كەزەڭٸ تيميريازەۆ-جەلتوقسان كٶشەلەرٸنٸڭ قيىلىسىنان قۇلجا تاس جولىنداعى جەتٸسۋ بازارىنا دەيٸن 13 شاقىرىمعا سوزىلادى.
«ساين كٶشەسٸ رىسقۇلوۆ پەن مٶڭكە بي كٶشەلەرٸنٸڭ ارالىعىنا دەيٸن 3,2 كم سوزىلاتىن بولدى. وسى ماقساتتا جەكەمەنشٸك يەلەرٸنەن جەر ۋچاسكەلەرٸن ساتىپ الۋ كٶزدەلگەن. قازٸر باعالاۋ جۇمىستارى جٷرٸپ جاتىر. بۇل جۇمىستار 2020 جىلعا دەيٸن اياقتالۋى تيٸس بولاتىن. الايدا بارلىعى قارجىلاندىرۋعا, جەر ۋچاسكەلەرٸن ساتىپ الۋ ۇزاقتىعىنا بايلانىستى», - دەدٸ ەرنۇر ەبجاحان.
