الماتىدا ٶتكەن باسپاسٶز بريفينگٸ بارىسىندا قالالىق كەسٸپكەرلٸك جەنە ينۆەستيتسييالار باسقارماسىنىڭ باسشىسى ەركەبۇلان ورازالين ماسكالار مەن زارارسىزداندىرۋ قۇرالدارىنىڭ ٶندٸرٸسٸ تۋرالى ايتىپ بەردٸ, دەپ حابارلايدى قازاقپارات.
«الماتى وبلىسىندا ٶندٸرٸستٸك كەسٸپورىن جۇمىس ٸستەپ تۇر. زاۋىت ايىنا 3 ملن ماسكا ٶندٸرە الادى. بۇل ٶنٸمنٸڭ ماڭىزدىلىعى ارتۋىنا بايلانىستى ٶندٸرٸس قازٸر سك «فارماتسييا» ارقىلى كەلٸسٸمشارتپەن جٷزەگە اسىرلىپ جاتىر. ٶندٸرٸستٸڭ كەيبٸر بٶلٸگٸ الماتىعا جٸبەرٸلەدٸ. قالعانى ەل ٶڭٸرلەرٸنە كەلٸسٸمشارت بويىنشا بەرٸلەدٸ. زاۋىت كٷنٸنە 100 مىڭ ماسكا شىعارسا, ونىڭ 60 مىڭى الماتىعا جٸبەرٸلسە, قالعانى ٶڭٸرلەرگە تاراتىلادى. بٸراق, بٸزدە تاپشىلىق تۋىپ وتىر. ونى جاسىرمايمىز», - دەدٸ ەركەبۇلان ورازالين.
وسىعان بايلانىستى اتالعان كەسٸپورىننىڭ ٶندٸرٸستٸك قۋاتىن ارتتىرۋ كٶزدەلٸپ وتىر.
«دٷيسەنبٸگە دەيٸن جاڭا قوندىرعى جەتكٸزٸلٸپ, ٶندٸرٸس قۋاتىن ايىنا 8 ملن ماسكاعا كٶتەرۋ كٶزدەلٸپ وتىر. سك «فارماتسييا» باسشىلارىمەن سٶيلەستٸك. ماسكا اينالاسىنداعى الىپساتارلىقتى بولدىرماۋ ٷشٸن كەسٸپورىنعا اينالىم قاراجاتىن قۇيىپ بەرەتٸن بولامىز. ولار سول قاراجاتقا شيكٸزات الادى. بۇل ٶز كەزەگٸندە بٸزگە قالاداعى ٸرٸ دەرٸحانالارمەن تٸكەلەي جۇمىس ٸستەۋگە مٷمكٸندٸك بەرەدٸ», - دەدٸ ەركەبۇلان ورازالين.
ول سونىمەن قاتار انتيسەپتيك پەن سانيتايزەرلەر تۋرالى دا ايتتى.
«بۇل ٶنٸمدەردٸ ٶندٸرەتٸن كەسٸپورىندى دا اينالىم قاراجاتىن بٶلٸپ قولدايتىن بولامىز. جاقىن ارادا قوسىمشا ٶندٸرٸستٸ ٸسكە قوسامىز. كەلەر اپتادا بٶلشەك ساۋدا نارىعىندا تاۋار تاپشىلىعىن شەشٸپ, حالىق اراسىنداعى الاساپىراندى توقتاتامىز دەپ ويلايمىز. سونىمەن قاتار, ماسكا جەنە باسقا دا قۇرالداردى ساتىپ الۋدا شەكتەۋ قويۋدى ويلاستىرىپ جاتىرمىز. ٶيتكەنٸ, كەيبٸر تۇلعالار بۋما-بۋما ساتىپ الىپ, ارى قاراي ساتىپ, پايدا كٶرۋدٸ ويلايدى», - دەدٸ باسقارما باسشىسى.
مۇنىڭ الدىندا قالا ەكٸمٸنٸڭ ورىنباسارى, ارنايى شتاب باسشىسى ەرجان باباقۇماروۆ قالادا ماسكا ٶندٸرٸسٸن كەڭەيتۋدٸ قولعا العانىن ايتقان بولاتىن.
الماتىدا كوروناۆيرۋس ەلٸ ەشكٸمدە زەرتحانالىق دەڭگەيدە راستالعان جوق.
