الماتى قالاسىنىڭ تٶتەنشە جاعدايلار دەپارتامەنتٸ ٶرتەنٸپ جاتقان «التىن بۇلاق-2» تۇرعىن ٷي كەشەنٸنەن تۇرعىنداردى ەۆاكۋاتسييالاۋ سەتٸ تٷسٸرٸلگەن ۆيدەو جارييالادى, دەپ حابارلايدى قازاقپارات.
ۆەدومستۆونىڭ باسپاسٶز قىزمەتٸ ٶرتتٸڭ 01:10-دا وقشاۋلانعانىن مەلٸم ەتتٸ.
«تٸلسٸز جاۋدى اۋىزدىقتاۋعا 70-تەن استام قىزمەتكەر مەن 18 تەحنيكا جۇمىلدىرىلعان. ەۆاكۋاتسييا جٷرٸپ جاتىر. سول جەردە تۇرعان جەكە كٶلٸكتەردٸڭ كٶپ بولۋى ٶرت سٶندٸرۋ تەحنيكاسىنا كەدەرگٸ بولعانىنا قاراماستان, ٶرت باسپالداقتارى قويىلدى, ادامداردى قۇتقارۋ جەنە ەۆاكۋاتسييالاۋ ٷشٸن اكتپ-54 اۆتوماتتى تەلەسكوپتىق توپسالى كٶتەرگٸش پايدالانىلدى», - دەپ حابارلادى ۆەدومستۆودان.
وقيعا ورنىندا جەدەل شتاب قۇرىلىپ, گاز-تٷتٸننەن قورعاۋ قىزمەتٸنٸڭ بٶلٸمشەلەرٸ شىعىس جەنە باتىس جاعىندا ورنالاستىرىلدى.
«قازٸرگٸ ۋاقىتتا 120-دان استام ادام ەۆاكۋاتسييالاندى, 20 ادام قۇتقارىلدى, ٶرت سٶندٸرۋ ستۆولدارى ەنگٸزٸلدٸ, گيدرانتتارعا تسيستەرنالار ورناتىلدى», - دەپ قورىتىندىلادى الماتى قالاسى تٶتەنشە جاعدايلار دەپارتامەنتٸنٸڭ باسپاسٶز قىزمەتٸ.
ەستەرٸڭٸزگە سالا كەتەيٸك, 11 جەلتوقساندا ساعات 23:58-دە الماتى قالاسىنىڭ تٶتەنشە جاعدايلار دەپارتامەنتٸنٸڭ كٷشتەرٸ مەن تەحنيكاسى شۇعىل شاقىرتۋ بويىنشا المالى اۋدانى, برۋسيلوۆ كٶشەسٸ, 167 ٷيدەگٸ ٶرتتٸ سٶندٸرۋگە اتتانعان بولاتىن. ولار كەلگەن سەتتە, «التىن بۇلاق-2» تۇرعىن ٷي كەشەنٸنٸڭ 6-7 قاباتىنداعى ەكٸ بلوك, سونداي-اق 17-18-شٸ قابات جانىپ جاتقان ەدٸ.
