بيىلعى جىلدىڭ باستاپقى ەكٸ ايىندا الماتى تۇرعىندارىنا كٶرسەتٸلگەن مەديتسينالىق كٶمەك ساپاسىن باقىلاۋ بارىسىندا 6,4 مىڭ قىزمەتتٸڭ تٷرلٸ كەمشٸلٸكپەن كٶرسەتٸلگەنٸ انىقتالدى. نەتيجەسٸندە قالاداعى ەمدەۋ مەكەمەلەرٸنە 335 ملن تەڭگە ايىپپۇل سالىندى. بۇل تۋرالى «ەلەۋمەتتٸك مەديتسينالىق ساقتاندىرۋ قورى» كەاق الماتى فيليالى مەلٸم ەتتٸ, دەپ حابارلايدى "ۇلت اقپارات".
مەديتسينالىق قىزمەت ساپاسىن باقىلاۋ بٶلٸمٸ جەتەكشٸسٸ ەسەم ماناپباەۆانىڭ ايتۋىنشا, كەمشٸلٸكتٸڭ باسىم بٶلٸگٸنە كونسۋلتاتيۆتٸك-دياگنوستيكالىق كٶمەك كٶرسەتەتٸن كلينيكالار تاراپىنان جول بەرٸلگەن. جالپى, كونسۋلتاتيۆتٸك-دياگنوستيكالىق كٶمەك بويىنشا 4,5 مىڭ قىزمەت تٷرلٸ كەمشٸلٸكپەن كٶرسەتٸلگەن. نەتيجەسٸندە 7,1 ملن تەڭگە قايتارىپ الىندى.
«اقاۋمەن كٶرسەتٸلگەن 1,5 مىڭ قىزمەت – ستاتسيونارلار مەن ستاتسيوناردى الماستىراتىن كٶمەك ۇيىمدارىنا تيەسٸلٸ. اتالعان كەمشٸلٸكتەر ٷشٸن اتالعان كلينيكالار 321,8 ملن تەڭگە ايىپپۇل تٶلەدٸ. ال, ەمحانالار 343 قىزمەتتٸ كەمشٸلٸكپەن كٶرسەتكەن. مونيتورينگ نەتيجەسٸندە 6 ملن تەڭگە قورعا قايتارىلدى», - دەدٸ ەسەم ماناپباەۆا.
كٶپتەگەن مەديتسينالىق ۇيىمدار ەمدەۋ-دياگنوستيكا بارىسىندا بەلگٸلەنگەن ستاندارتتاردان اۋىتقۋ, مەديتسينالىق قۇجاتتاردى دۇرىس تولتىرماۋ, قىزمەت باعاسىن نەگٸزسٸز ٶسٸرۋ سىندى ولقىلىقتارعا ورىن بەرگەن. سونىمەن قاتار, كٶرسەتٸلدٸ دەپ جازىلعان بەلگٸلٸ بٸر قىزمەت تٷرلەرٸنٸڭ شىن مەنٸندە كٶرسەتٸلگەنٸن راستاي الماعان ەمحانالار دا بار.
«ەلەۋمەتتٸك مەديتسينالىق ساقتاندىرۋ قورى كٶرسەتٸلگەن قىزمەت ساپاسىنا تۇراقتى باقىلاۋ جٷرگٸزٸپ وتىرادى. بٷگٸندە دەرٸگەر كٶمەگٸنە جٷگٸنبەگەن ادامدى «قابىلداۋدا بولدى» دەپ جازۋ مەسەلەسٸ جۇرتشىلىق اراسىندا ٶزەكتٸ مەسەلەگە اينالعانى بەلگٸلٸ. بيىلعى قاڭتار-اقپان ايلارىندا فيليال ماماندارى ازاماتتاردان تٷسكەن ارىز-شاعىمدار نەتيجەسٸندە وسىنداي 57 فاكتٸنٸ انىقتاپ, ەمحانا-امبۋلاتورييا دەڭگەيٸندە جٷرگٸزٸلگەن مونيتورينگ بارىسىندا مەديتسينا ۇيىمدارىنا 1,4 ملن تەڭگە ايىپپۇل سالدى. قايتارىپ الىنعان قاراجات مەديتسينالىق كٶمەكتٸڭ ٶزگە تٷرلەرٸنە جۇمسالادى»,- دەدٸ مسق الماتى فيليالىنىڭ مەديتسينالىق قىزمەت ساپاسىن باقىلاۋ بٶلٸمٸ باسشىسى ەسەم ماناپباەۆا.
الماتىدا 182 مەديتسينا ۇيىمى مەملەكەتتٸك تاپسىرىس شەڭبەرٸندە حالىققا تەگٸن كٶمەك كٶرسەتٸپ جاتىر. ولارمەن بەكٸتٸلگەن كەلٸسٸمشارتتىڭ جالپى سوماسى 180,8 ملرد تەڭگەدەن اسادى.
