الماتىدا BRT (جٷردەك اۆتوبۋس جەلٸسٸنٸڭ) ەكٸنشٸ كەزەڭٸ قاشان باستالاتىنى قوعامدىق كەڭەس تىڭداۋىندا ايتىلدى, دەپ حابارلايدى قازاقپارات.
جوبانىڭ بٸرٸنشٸ كەزەڭٸ - ۇزاقتىعى 8,7 كم بولاتىن مارشرۋت ۋچاسكەسٸ «مۇستافين - سٷلەيمەنوۆا- جاندوسوۆ – تيميريازەۆ» كٶشەلەرٸمەن جەلتوقسان كٶشەسٸنە دەيٸن بارادى.
«BRT قۇرىلىسى قاراجات بٶلٸنگەن جاعدايدا 2021 جىلدان باستالادى. ساراپتاما قورىتىندىسى شىققان سوڭ رەسپۋبليكالىق بيۋدجەتكە ساۋال جٸبەرۋٸمٸز دە مٷمكٸن. كەلەر جىلى باستاساق, قۇرىلىس جۇمىستارىنا شامامەن 22 اي كەتەدٸ. قۇرىلىس جۇمىستارى 1,5-2 جىلعا سوزىلادى», - دەدٸ قالالىق موبيلدٸلٸك باسقارماسى باسشىسىنىڭ ورىنباسارى ەرنۇر ابجاحان.
جوبا قۇنى شامامەن 12 ملرد دوللار دەپ باعالانىپ وتىر.
BRT جوباسىنىڭ ەكٸنشٸ كەزەڭٸ, ياعني 13 شاقىرىمدىق ۋچاسكەسٸ جەلتوقسان كٶشەسٸمەن تٶلە بي, شىعىس اينالما جولى, Halyk Arena تۇسىنداعى دەپوعا دەيٸن بارادى.
قالا ەكٸمٸ جوبا ماقۇلدانعان جاعدايدا جٷردەك اۆتوبۋس جەلٸسٸن «الاتاۋ» ارنايى ەكونوميكالىق ايماعىنا دەيٸن سوزۋ تۋرالى ايتقان بولاتىن.
