Almatyda BRT (júrdek avtobýs jelisiniń) ekinshi kezeńi qashan bastalatyny qoǵamdyq keńes tyńdaýynda aityldy, dep habarlaidy QazAqparat.
Jobanyń birinshi kezeńi - uzaqtyǵy 8,7 km bolatyn marshrýt ýchaskesi «Mustafin - Súleimenova- Jandosov – Timiriazev» kóshelerimen Jeltoqsan kóshesine deiin barady.
«BRT qurylysy qarajat bólingen jaǵdaida 2021 jyldan bastalady. Saraptama qorytyndysy shyqqan soń respýblikalyq biýdjetke saýal jiberýimiz de múmkin. Keler jyly bastasaq, qurylys jumystaryna shamamen 22 ai ketedi. Qurylys jumystary 1,5-2 jylǵa sozylady», - dedi qalalyq Mobildilik basqarmasy basshysynyń orynbasary Ernur Abjahan.
Joba quny shamamen 12 mlrd dollar dep baǵalanyp otyr.
BRT jobasynyń ekinshi kezeńi, iaǵni 13 shaqyrymdyq ýchaskesi Jeltoqsan kóshesimen Tóle bi, Shyǵys ainalma joly, Halyk Arena tusyndaǵy depoǵa deiin barady.
Qala ákimi joba maquldanǵan jaǵdaida júrdek avtobýs jelisin «Alataý» arnaiy ekonomikalyq aimaǵyna deiin sozý týraly aitqan bolatyn.
