الماتىداعى بالمۇزداق تسەحىندا تٶگٸلگەن اممياكتان بەس ادام ۋلانىپ, اۋرۋحاناعا تٷستٸ, - دەپ حابارلايدى Tengrinews.kz اگەنتتٸگٸ كتك تەلەارناسىنا سٸلتەمە جاساپ.
تەلەارنا مەلٸمەتٸنشە, الماتىداعى "شين-لاين" كومپانيياسىنىڭ تسەحىندا مۇزداتۋ قۇرىلعىسىنان اقاۋ شىعىپ, 500 گرامم اممياك اعىپ كەتكەن.
اۋاعا تاراعان حيمييالىق قوسىندىنىڭ بۋىنا ۋلانعان بەس قىزمەتكەر الماتى قالالىق جەدەل شۇعىل كٶمەك كٶرسەتۋ اۋرۋحاناسىنا جەتكٸزٸلگەن. قازٸر ٷشەۋٸ اۋىر حالدە جانساقتاۋ بٶلٸمٸندە جاتىر.
"بەس ناۋقاستىڭ بٸرەۋٸنٸڭ جاعدايى تۇراقتى بولۋىنا بايلانىستى ستاتسيونارلىق ەمنەن باس تارتتى. تٶرت ناۋقاستىڭ ٷشەۋٸ قازٸر جانساقتاۋ بٶلٸمٸندە جاتىر. جاعدايى اۋىر. قالعان بٸر ناۋقاس توكسيكولوگييا بٶلٸمٸندە ەم الىپ جاتىر. جاعدايى ورتاشا. ناۋقاستاردا قۇسۋ, جٷرەك اينۋ بەلگٸلەرٸ بولادى", - دەدٸ الماتى قالاسى جەدەل شۇعىل كٶمەك كٶرسەتۋ اۋرۋحاناسى قابىلداۋ بٶلٸمٸنٸڭ مەڭگەرۋشٸسٸ باۋىرجان وماروۆ.
ايتا كەتەيٸك, بۇل مەكەمەدە قىزمەتكەرلەر ٷش اۋىسىمدا جۇمىس ٸستەيدٸ. زاۋىت تەۋلٸگٸنە 60 تونناعا جۋىق بالمۇزداق شىعارادى. تٶتەنشە جاعدايدان كەيٸن كومپانييا ٸشكٸ تەرگەۋدٸ باستادى. پوليتسييا وقيعانىڭ مەن-جايىن انىقتاپ جاتىر.
"جٷرگٸزگەن تەكسەرٸس قورىتىندىسى بويىنشا, اقاۋ فريزەردٸڭ رەزەڭكە جابىندىسىنان شىققان. يٸس شىعا باستاعاندا قىزمەتكەرلەر بٸردەن سىرتقا جٷگٸرگەن. وقيعا تاڭعى تٶرت شاماسىندا بولدى. التى ادامنىڭ جاعدايى ۋشىققاننان كەيٸن, جەدەل جەردەم قىزمەتٸن شاقىردىق. ەكەۋٸ اۋرۋحاناعا جاتۋدان باس تارتتى. ٶندٸرٸستە اممياك نەگٸزٸنەن, مۇزداتقىش رەتٸندە پايدالانىلادى", - دەدٸ كومپانييا ديرەكتورى.
