قالالىق سوت الماتىدا بەس ادامدى اتىپ ٶلتٸرگەن يگور دۋجنوۆتىڭ ەيەلٸ تٷسٸرگەن شاعىمدى قاراۋدى كەيٸنگە قالدىردى, دەپ حابارلايدى قازاقپارات.
انايدا دەميرچيان قالالىق سوتقا وسىعان دەيٸن اۋداندىق سوت كەيٸنگە قالدىرىپ كەلگەن وتباسىن ٷيدەن شىعارۋ تۋرالى شەشٸمگە قاتىستى اپەللياتسييالىق شاعىم تٷسٸردٸ. بٸراق الماتى سوتى تالاپكەردٸڭ بولماۋىنا بايلانىستى وتىرىستى كەيٸنگە قالدىردى. سەبەبٸ, ٷيدٸڭ جاڭا يەسٸ اتىس كەزٸندە قازا تاپتى. زاڭعا سەيكەس, ونىڭ قايتىس بولعانى تۋرالى كۋەلٸك قاجەت.
بۇل قۇجات ەلٸ دايىن بولماعاندىقتان, سوت شاعىمدى قاراۋدى 5 قازانعا قالدىردى.
ايتا كەتەيٸك, 20 قىركٷيەكتە كەشكە الماتىدا اتىس بولدى. 54 جاستاعى ەر ادام ٷيدەن شىعارۋ تۋرالى سوت شەشٸمٸن ورىنداۋعا كەلگەن سوت ورىنداۋشىسىنا, پوليتسييا قىزمەتكەرلەرٸنە جەنە اۋلادا بولعان ٶزگە ەكٸ ادامعا اڭشى مىلتىعىنان وق جاۋدىرعان. نەتيجەسٸندە بەس ادام قازا تاپتى. ەكٸ پوليتسييا قىزمەتكەرٸ, بٸر جەكە سوت ورىنداۋشىسى جەنە ەكٸ تۇرعىن. ولاردىڭ بٸرٸ - ٷيدٸڭ جاڭا يەسٸ, ەكٸنشٸسٸ - ونىڭ تانىسى.
1967 جىلى تۋعان كٷدٸكتٸ ۇستالدى. ول 20 جىلعا نەمەسە ٶمٸر بويىنا دەيٸن باس بوستاندىعىنان ايىرىلۋى مٷمكٸن.
