الماتىداعى «التىن وردا» بازارى جانىنداعى جول ايىرىعىنىڭ قۇرىلىسى قازان ايىندا اياقتالادى. بۇل تۋرالى «قازاۆتوجول» ۇلتتىق كومپانيياسىنىڭ باپاسٶز قىزمەتٸ مەلٸم ەتتٸ, دەپ حابارلايدى قازاقپارات.
«بٷگٸنگٸ كٷنٸ «الماتى-بٸشكەك» اۆتوجولىنىڭ 786-790 شاقىرىمى ارالىعىندا (16-19 شاقىرىم «التىن وردا») «رايىمبەك-الماتى» ۋچاسكەسٸنٸڭ كٶلٸك جٷرەتٸن بٶلٸگٸن كەڭەيتۋ جۇمىستارى تەۋلٸك بويى جٷرٸپ جاتىر. قۇرىلىسقا 215 جۇمىسشى مەن 30 تەحنيكا جۇمىلدىرىلدى», - دەپ حابارلادى «قازاۆتوجول».
قازٸرگٸ ۋاقىتتا نەگٸزگٸ كٷش ماگيسترالدى ەستاكاداعا باعىتتالعان.
اتاپ ايتقاندا, نىساننىڭ سول جاعىن بەتونداۋ جۇمىستارى تولىق بٸتتٸ. ال وڭ جاق تۇسىنىڭ 100 مەتر اۋماعىنا بەتون قۇيىلدى.
سونىمەن قاتار, مونتاجداۋ, قالىپتى ورنالاستىرۋ, تورلاۋ جۇمىستارى قارقىندى جٷرٸپ جاتىر.
«ەستاكاداعى نەگٸزگٸ جۇمىس جوسپار بويىنشا جٷرگٸزٸلۋدە, كەستەدەن كەشٸگۋ جوق. نىسان قۇرىلىسى بيىلعى جىلدىڭ قازان ايىنىڭ سوڭىنا قاراي اياقتالادى», - دەپ اتاپ ٶتتٸ كومپانيياداعىلار.
