الماتىدا جىلۋمەن جابدىقتاۋ تاريفٸ تٶمەندەتٸلدٸ, دەپ حابارلايدى "ۇلت اقپارات" تابيعي مونوپولييالاردى رەتتەۋ كوميتەتٸنٸڭ باسپاسٶز قىزمەتٸنە سٸلتەمە جاساپ.
2020 جىلعى كٶرسەتٸلگەن قىزمەت كٶلەمٸنٸڭ ٶسۋٸنە بايلانىستى, كوميتەتتٸڭ الماتى قالاسى بويىنشا دەپارتامەنتٸ حالىق ٷشٸن جىلۋمەن جابدىقتاۋ تاريفٸن 3%-عا تٶمەندەتتٸ. تٶمەندەتٸلگەن تاريف 2021 جىلعى 1 اقپاننان باستاپ قولدانىسقا ەنگٸزٸلەدٸ.
«تاريفتٸڭ تٶمەندەۋ ەسەبٸنەن حالىقتىڭ ٷنەمدەيتٸن قارجىسى 552 ملن تەڭگە. جوعارىدا كٶرسەتٸلگەن كٶرسەتكٸشتەرگە قول جەتكٸزۋ ٷشٸن, الماتى قالاسى ەكٸمدٸگٸنٸڭ قولداۋىمەن حالىقتان بيۋدجەتتٸك ۇيىمدارعا جٷكتەمەنٸ قايتا بٶلۋ فاكتٸسٸ قوسىمشا ىقپال ەتتٸ», دەلٸنگەن حابارلامادا.
بۇرىن حابارلاعانىمىزداي, 2021 جىلعى 1 قاڭتاردان باستاپ جىلۋمەن جابدىقتاۋعا ارنالعان تاريفتٸڭ جوسپارلى 14% - عا ٶسۋٸ كٷتٸلگەن ەدٸ.
الايدا, الماتى قالاسى بويىنشا دەپارتامەنت ەنەرگييا كٶزدەرٸندە تاريفتٸ تٶمەندەتۋ ارقىلى حالىق ٷشٸن تاريفتٸڭ ٶسۋٸنە جول بەرمەۋ بويىنشا جۇمىس جٷرگٸزدٸ, نەتيجەسٸندە 2021 جىلى حالىق ٷشٸن تاريفتٸ 2020 جىلعى دەڭگەيدە ٶسٸمسٸز قالدىرۋعا مٷمكٸندٸك تۋدى.
