الماتىدا اۋا رايىنىڭ قولايسىزدىعىنا بايلانىستى جول جٶندەۋ جۇمىسى ۋاقىتشا توقتاتىلدى.
«اۋا رايىنىڭ قولايسىزدىعىنا بايلانىستى 21 سەۋٸردە جولداردى جٶندەۋ جۇمىستارى ۋاقىتشا توقتاتىلدى», - دەپ حابارلادى الماتى قالالىق موبيلدٸلٸك باسقارماسىنان.
ايتا كەتەيٸك, سەۋٸر ايىنىڭ باسىنان باستاپ قالا كٶشەلەرٸندە جٶندەۋ باستالدى. وسى ۋاقىتقا دەيٸن جولداعى 4 مىڭعا جۋىق ويىق-شۇڭقىر بٸتەلدٸ.
كٷندەلٸكتٸ جٶندەۋ جۇمىسىنا 400-دەن استام جۇمىسشى مەن 155 ارنايى تەحنيكا جۇمىلدىرىلادى. الماتىنىڭ 256 كٶشەسٸنە جٶندەۋ جوسپارلانعان.
جالپى, الماتى قالاسىندا كٶشە-جول جەلٸسٸنٸڭ ۇزىندىعى 3 096,8 شاقىرىم, كٶشە سانى - 2 746. ونىڭ ٸشٸندە ماگيسترالدى ماڭىزى بار كٶشە سانى - 385, ولاردىڭ ۇزىندىعى 1 150 شاقىرىم. جەرگٸلٸكتٸ ماڭىزى بار كٶشە سانى - 2361, ولاردىڭ ۇزىندىعى 1 946,8 شاقىرىم.
