25 جەلتوقساندا الماتىنىڭ "باراحولكا" بازارى اۋماعىندا جول اپاتى بولىپ, ەكٸ ادام قازا بولدى, تٶرت ادام جارالاندى دەپ حابارلادى الماتى قالالىق پوليتسييا دەپارتامەنتٸنە سٸلتەمە جاساعان جەرگٸلٸكتٸ اقپارات قۇرالدارى.
"ەكٸ كٶلٸك سوعىلىپ, "لادا" ماركالى جەڭٸل كٶلٸكتٸڭ جٷرگٸزۋشٸسٸ مەن وندا وتىرعان جولاۋشى سول جەردە كٶز جۇمدى. Hyundai Click كٶلٸگٸنٸڭ جٷرگٸزۋشٸسٸ اۋرۋحاناعا جەتكٸزٸلگەن. تاعى ٷش جولاۋشى تٷرلٸ دەرەجەدە جاراقات الىپ, اۋرۋحاناعا جاتقىزىلدى" دەلٸنگەن قالالىق پوليتسييا دەپارتامەنتٸ تاراتقان حابارلامادا.
جول اپاتىنا بايلانىستى قىلمىستىق كودەكستٸڭ 345-بابى 4-تارماعى "("جول-كٶلٸك ەرەجەلەرٸن بۇزۋ") بويىنشا قىلمىستىق ٸس قوزعالعان.
ەۋروپا وداعى ستاتيستيكا قىزمەتٸنٸڭ دەرەگٸنشە, قازاقستان جول اپاتى كٶپ بولاتىن ەلەمدەگٸ بەس ەلدٸڭ قاتارىنا ەنەدٸ. كٶلٸك اپاتتارىنىڭ نەگٸزگٸ سەبەبٸ رەتٸندە جول ەرەجەسٸن ساقتاماۋ جەنە جول ساپاسىنىڭ ناشارلىعى اتالادى.
سەيسەنبٸ, 24 جەلتوقساندا ٸشكٸ ٸستەر مينيسترٸ ەرلان تۇرعىمباەۆ ٶتكەن اپتادا جٷزدەن استام جول اپاتى تٸركەلٸپ, 39 ادامنىڭ قازا بولعانىن مەلٸمدەگەن. شامامەن 160 ادام جارالانعان. مينيستردٸڭ ايتۋىنشا, جول اپاتىنىڭ كٶبەيۋٸنە نەگٸزٸنەن قولايسىز اۋا رايى جەنە جٷرگٸزۋشٸلەردٸڭ جول ەرەجەلەرٸن ساقتاماۋى سەبەپ بولىپ وتىر.
