الماتى وبلىسىنىڭ پوليتسييا قىزمەتكەرلەرٸ 69 جاستاعى الماتىلىق پروفەسسوردىڭ جوعالىپ كەتۋٸنە قاتىسى بار ەر ادامدى ۇستادى, دەپ حابارلادى Sputnik تٸلشٸسٸ.
17 تامىز كٷنٸ الماتى قالاسىندا قازاق ۇلتتىق اگرارلىق ۋنيۆەرسيتەتٸنٸڭ وقىتۋشىسى, پروفەسسور اعىباي سماعۇلوۆ جوعالىپ كەتكەن بولاتىن. ونىڭ جوعالىپ كەتكەنٸ تۋرالى اقپاراتتى ازاماتتىق بەلسەندٸ يسلام ۋگۋشەۆ ەلەۋمەتتٸك جەلٸلەردە تاراتتى. سماعۇلوۆتىڭ تۋىستارى حالىقتان ونى ٸزدەۋگە كٶمەكتەسۋدٸ ٶتٸندٸ. حابارلامادا وقىتۋشى قاراساي اۋدانىنا قاراي كەتكەنٸ اتالىپ ٶتتٸ.
بٷگٸن ٸزدەۋدە بولعان ادامنىڭ دەنەسٸ الماتى وبلىسى اۋماعىنان تابىلعانى جەنە ونىڭ جوعالىپ كەتۋٸنە جەرگٸلٸكتٸ تۇرعىنداردىڭ بٸرٸنٸڭ قاتىسى بار ەكەنٸ انىقتالدى.
الماتى وبلىسى ٸٸد باسپاسٶز قىزمەتٸ اقپاراتتى راستاپ, پوليتسييا قازٸردٸڭ ٶزٸندە كٸسٸ ٶلتٸرۋ فاكتٸسٸ بويىنشا سوتقا دەيٸنگٸ تەرگەۋدٸ باستاعانىن حابارلادى.
"جوعالعان ادام تۋرالى ارىز 21 تامىز كٷنٸ قاراساي اٸٸب-گە تٷستٸ. ەر ادامنىڭ قايدا ەكەنٸن انىقتاۋعا باعىتتالعان جەدەل-ٸزدەستٸرۋ ٸس-شارالارى كەزٸندە ونىڭ جوعالۋىنا قاتىسى بار دەگەن كٷدٸكپەن جەرگٸلٸكتٸ تۇرعىنداردىڭ بٸرٸ ۇستالدى. ەرٸ قاراي تەرگەۋ بارىسىندا كٷدٸكتٸ ٸزدەۋدە بولعان ەر ادامنىڭ جەرلەنگەن ورنىن كٶرسەتتٸ. قازٸر قازاقستان رەسپۋبليكاسى قىلمىستىق كودەكسٸنٸڭ 99-بابىنا سەيكەس سوتقا دەيٸنگٸ تەرگەۋ باستالدى. قىلمىسقا كٷدٸكتٸ قاماۋعا الىندى", — دەپ حابارلادى وبلىستىق ٸٸد باسپاسٶز قىزمەتٸ.
ايتا كەتەيٸك, اعىباي سماعۇلوۆتى بٸر جىل بۇرىن ستۋدەنتتەر ۇرىپ-سوعىپ, توناپ كەتكەن بولاتىن. جوعارى وقۋ ورنىندا وقيتىن ستۋدەنتتەر ونىڭ 23 ميلليون تەڭگەسٸن تارتىپ الىپ كەتكەن, زارداپ شەگۋشٸنٸڭ توعىز قابىرعاسى سىندى.
