الماتىدا ازىق-تٷلٸك, تاۋار جەتكٸزۋ سەرۆيسٸ جاڭا رەجٸم اياسىندا تاڭعى 9 بەن كەشكٸ 22:00 ارالىعىندا جۇمىس ٸستەيدٸ. بۇل تۋرالى ٶڭٸرلٸك كوممۋنيكاتسييالار قىزمەتٸندە ونلاين بريفينگ بارىسىندا قالا ەكٸمٸ باقىتجان ساعىنتاەۆ ايتتى, دەپ حابارلايدى قازاقپارات.
«قالادا قوعامدىق كٶلٸك تاڭعى 06:00 مەن 19:00 ارالىعىندا جۇمىس ٸستەيتٸن بولادى. ازىق-تٷلٸك, دەرٸ-دەرمەك, بٸرٸنشٸ قاجەتتٸلٸكتەگٸ تاۋارلاردى جەتكٸزۋ سەرۆيسٸ 09:00-22:00 ارالىعىندا ٸستەيدٸ. بارلىق ۇيىمدار مەن كەسٸپورىنداردىڭ قىزمەتكەرلەرٸنٸڭ سانيتارلىق قورعانىس قۇرالدارى كٷشەيتٸلەتٸن بولادى.
بۇل كٷندەرٸ ەرقايسىمىز ورتاق ماقسات جولىندا جەكە دە, ۇجىمداسىپ تا ازاماتتىق بەلسەندٸلٸگٸمٸز بەن جوعارى جاۋاپكەرشٸلٸگٸمٸزدٸ كٶرسەتە بٸلگەنٸمٸز ابزال.
«بٸز جەكە گيگيەنا شارالارىن ساقتاۋ مەن وقشاۋلانۋ ارقىلى كوروناۆيرۋس ينفەكتسيياسىنىڭ تارالۋىن تەجەي الامىز», - دەدٸ قالا ەكٸمٸ.
