ماۋسىم ايىندا قازاقستاندىقتار جەدەل جەردەمدٸ جيٸ شاقىرا باستاعان. وسى سەبەپتٸ, مەديتسينالىق كٶمەكتٸ كٷتۋ ۋاقىتى دا ۇزارعان, دەپ حابارلايدى "ۇلت اقپارات".
بٷگٸن الماتى قالالىق قوعامدىق كەڭەسٸنٸڭ ونلاين وتىرىسى ٶتتٸ. وندا قوعام قايراتكەرٸ, جۋرناليست سەرگەي پونومارەۆ تۇرعىنداردان تٷسٸپ جاتقان سۇراقتى قويدى. ولاردىڭ سٶزٸنشە, قوڭىراۋ شالىنعاننان كەيٸن جەدەل جەردەمنٸڭ كەلەتٸن ۋاقىتى ەكٸ ساعاتتان ەكٸ كٷنگە دەيٸن سوزىلادى. مٷلدەم كەلمەي قالاتىن جاعدايلار دا بولادى.
«يە, بٸز بۇل جاعداي تۋرالى بٸلەمٸز. تۇرعىندار بايلانىس ورتالىعىمىزعا شاعىمدارىن ايتىپ, حابارلاسادى. قازٸر جەدەل جەردەم قىزمەتٸنە جٷكتەمە ارتتى. كٷنٸنە 6 مىڭعا جۋىق قوڭىراۋ تٷسەدٸ. ولاردىڭ 50% اۋرۋحاناعا جاتقىزۋمەن جەنە جەدەل جەردەمنٸڭ كەلۋٸمەن بايلانىستى: 30% جەدەل جەردەم بويىنشا, 20% اۋرۋحاناعا جاتقىزۋ بويىنشا», – دەدٸ «مٸندەتتٸ ەلەۋمەتتٸك مەديتسينالىق ساقتاندىرۋ قورى» كوممەرتسييالىق ەمەس اكتسيونەرلٸك قوعامىنىڭ باسقارما تٶراعاسى ايباتىر جۇماعۇلوۆ.
ونىڭ ايتۋىنشا, قازٸر بارلىق مەسەلەنٸ شەشۋ مٷمكٸن بولماي جاتىر.
«ەر جاعدايدى جەكە قاراستىرۋعا تىرىسامىز جەنە ولاردى مٷمكٸندٸگٸنشە شەشۋگە ەرەكەت جاسايمىز», - دەدٸ ول.
ٶز كەزەگٸندە, ۇلتتىق شۇعىل مەديتسينانى ٷيلەستٸرۋ ورتالىعى باسقارما تٶراعاسىنىڭ مٸندەتٸن اتقارۋشى باۋىرجان جٷسٸپوۆ كٷنٸنە شاقىرتۋلارعا رەسپۋبليكا بويىنشا 1400 بريگادا شىعاتىنىن اتاپ ٶتتٸ.
«بٷگٸنگٸ تاڭدا بٸزدە 1900-گە جۋىق جەدەل جەردەم كٶلٸگٸ بار. ەرينە, كٶلٸك جەتٸسپەۋشٸلٸگٸ بايقالادى. دەسە دە, اتالعان پروبلەمانى اقىرىنداپ شەشٸپ جاتىرمىز. مەسەلەن, ٶتكەن جىلى 300-گە جۋىق جەدەل جەردەم كٶلٸگٸ ساتىپ الىندى. بيىل 800 دانا ساتىپ الۋدى جوسپارلاپ وتىرمىز. قالىپتاسقان جاعدايعا بايلانىستى جەدەل جەردەم سالاسىن زاماناۋي جابدىقتارمەن قامتاماسىز ەتۋگە دە ەرەكشە كٶڭٸل بٶلٸنٸپ وتىر. جىل سوڭىنا دەيٸن تاعى 800-دەن استام كٶلٸك ساتىپ الىنباق», – دەدٸ باۋىرجان جٷسٸپوۆ.
ونىڭ ايتۋىنشا, ٷستٸمٸزدەگٸ جىلدىڭ قاڭتار-مامىر ايلارى ارالىعىندا جەدەل جەردەم بريگادالارى 3 ميلليونعا جۋىق قوڭىراۋعا قىزمەت كٶرسەتكەن. «ٶتكەن جىلمەن سالىستىرعاندا بۇل كٶرسەتكٸش ەدەۋٸر ۇلعايعان. ەلدە جەدەل جەردەم قىزمەتٸنٸڭ جٷكتەمەسٸ 40% ارتتى»,– دەدٸ ول.
سونىمەن قاتار, ب.جٷسٸپوۆ جٷكتەمەنٸڭ ارتۋىنا بايلانىستى قىزمەت كٶرسەتۋ تەرتٸبٸنٸڭ ٶزگەرگەنٸن دە تٸلگە تيەك ەتتٸ. مەسەلەن, ناۋقاستىڭ ٶمٸرٸنە قاۋٸپ تٶنگەن جاعدايدا بريگادا 10-15 مينۋتتا جەتەدٸ. ال ايقىن قاۋٸپ بولماسا, كەلۋ ۋاقىتى 60 مينۋتقا دەيٸن سوزىلادى. بۇعان قوسا, كوروناۆيرۋس جۇقتىرعاندارعا كٶمەكتەسۋدٸڭ دە ٶز الگوريتمٸ بار.
