الماتىدا جەدەل جەردەم قىزمەتٸنٸڭ 400-دەن استام قىزمەتكەرٸ "كوروناۆيرۋسپەن كٷرەسكە ٷلەس قوسساق تا, جەتٸ ايدان بەرٸ ٷستەماقى المادىق" دەپ شاعىمدانادى. 8 قازاندا الماتىداعى ادام قۇقىعىن قورعاۋ جٶنٸندەگٸ حالىقارالىق بيۋرو كەڭسەسٸندە مەسەلەلەرٸن ايتقان قىزمەتكەرلەر "كوروناۆيرۋس جۇقتىرعان ناۋقاستارمەن تٸكەلەي جۇمىس ٸستەمەسەك تە ولارمەن بايلانىستا بولعان ادامدارمەن بٸرگە ٸستەپ, باسىمىزدى قاۋٸپكە تٸكتٸك" دەيدٸ. بۇل جيىنعا 400-دەن استام قىزمەتكەردٸڭ اتىنان كەلگەن باستاما توبىنىڭ ٶكٸلدەرٸ (3 ادام) قاتىستى.
– مىسالى, بٸز سول ستانتسييادا تازالىق جۇمىستارىمەن اينالىسامىز. كٶلٸكتەردٸ تازالاۋ, دەرٸگەرلەرگە قاجەتتٸ كيٸمدەردٸ جۋۋ - بٸزدٸڭ موينىمىزدا. باسشىلىق كٷندە ەرتەڭ دەۋمەن كەلەدٸ. جەتٸ اي بولدى. بٸز ٶز جالاقىمىزدان تىسقارى "نۇر وتان" بەرگەن 50 مىڭ تەڭگەدەن باسقا ارتىق اقشا كٶرمەدٸك. ارامىزدا جۇمىس بابىندا جٷرٸپ ۆيرۋس جۇقتىرعاندار دا بار, - دەيدٸ توعجان جامىروۆا ەسٸمدٸ قىزمەتكەر.
شاعىمدانۋشى توپ ٶكٸلدەرٸنٸڭ سٶزٸنە قاراعاندا باستاپقىدا ولاردى كوروناۆيرۋس جۇقتىرعان ناۋقاستارمەن جۇمىس ٸستەگەن ٷشٸنشٸ كاتەگوريياداعى مەديتسينالىق قىزمەتكەرلەردٸڭ تٸزٸمٸنە ەنگٸزگەن. كەيٸنٸرەك تٸزٸمنەن الىنىپ تاستالعان.
جەدەل جەردەم قىزمەتكەرلەرٸ ماۋسىم ايىندا دا ٶزدەرٸنە تيٸستٸ ٶتەماقىنىڭ بەرٸلمەي جاتقانىن ايتىپ نارازىلىق بٸلدٸرگەن بولاتىن.
قازاقستاندا زاڭ بويىنشا كوروناۆيرۋسپەن كٷرەسكەن مەديتسينا قىزمەتكەرلەرٸنە ٷش كاتەگورييا بويىنشا ٷستەماقى تٶلەنەدٸ. سوڭعى كاتەگوريياعا ەنگەن مەديتسينا قىزمەتكەرلەرٸنە 200 مىڭ تەڭگەدەن استام ٷستەماقى بەرٸلەدٸ.
جەدەل جەردەم ستانتسيياسىنىڭ باس دەرٸگەرٸ بٸرجان وسپانوۆ ازاتتىق تٸلشٸسٸنە بەرگەن جاۋابىندا شاعىمدانعان قىزمەتكەرلەردٸڭ ٷستەماقى الۋعا قۇقىعى بار ەكەنٸن راستاپ, جاقىندا ولارعا تٶلەنەتٸنٸن ايتتى.
"قۇجاتتار مەسەلەسٸ شەشٸلۋگە از قالدى. جاقىندا 415 قىزمەتكەردٸڭ بارلىعى ٷستەماقى الادى. بٸز بۇل جٶنٸندە ٶزدەرٸنە دە ايتىپ تٷسٸندٸرگەنبٸز. بٸراق قازٸر نە ٷشٸن شاعىمدانىپ جاتقانىن بٸلمەيمٸز" دەدٸ ول.
كٶكتەم مەن جاز ايلارىندا دا ونداعان مەديتسينا قىزمەتكەرٸ "كوروناۆيرۋس جۇققان ناۋقاستاردى ەمدەسەك تە ٷستەماقى المادىق" دەپ شاعىمدانعان. كەيبٸرٸ ٷستەماقىنىڭ دۇرىس ەسەپتەلمەگەنٸن العا تارتقان.
رەسمي مەلٸمەت بويىنشا, 12 830 مىڭ مەديتسينا قىزمەتكەرٸنە كوروناۆيرۋس جۇققان: 8 339 دەرٸگەردٸڭ ۆيرۋستى جۇمىستا جۇقتىرعانى انىقتالعان. 182 دەرٸگەر كوروناۆيرۋستان قايتىس بولعان.
كوروناۆيرۋس نەمەسە كوروناۆيرۋستىق پنەۆمونييا جۇقتىرعان مەديتسينا قىزمەتكەرٸنە – 2 ملن تەڭگە, كوروناۆيرۋستان قايتىس بولعان مەديتسينا قىزمەتكەرٸنٸڭ وتباسىنا 10 ملن تەڭگە كٶلەمٸندە ٶتەماقى بەرٸلەدٸ.
