قر قارجى مينيسترلٸگٸ قارجى مونيتورينگٸ كوميتەتٸنٸڭ الماتى قالاسى بويىنشا ەكونوميكالىق تەرگەۋ دەپارتامەنتٸ قىزمەتكەرلەرٸ قالا اۋماعىندا جالپى سوماسى 3 ملن. استام تەڭگەنٸ قۇرايتىن 500 جەنە 5000 تەڭگە نومينالدارىندا جالعان اقشا دايىنداۋ جەنە ٶتكٸزۋمەن اينالىسقان ٷش ادامنان تۇراتىن قىلمىستىق توپقا قاتىستى سوتقا دەيٸنگٸ تەرگەۋدٸ اياقتادى.
بۇل تۋرالى قارجى مينيسترلٸگٸنٸڭ باسپاسٶز قىزمەتٸ حابارلادى.
باسپاسٶز قىزمەتٸنٸڭ مەلٸمەتتەرٸنە قاراعاندا, تەكسەرٸس بارىسىندا بۇرىن سوتتالعان بٸر توپ ازاماتتىڭ الدىن-الا كەلٸسٸم بويىنشا قر ۇلتتىق بانكٸنٸڭ جالعان بانكنوتالارىن دايىنداپ, ٶتكٸزۋ ماقساتىندا جاسىرىن تسەح ۇيىمداستىرعانى انىقتالدى.
سونىمەن, قىلمىستىق توپتىڭ تۇرعىلىقتى جەرٸندەگٸ جالعان اقشا جاسايتىن تسەحقا بەيٸمدەلگەن پەتەردٸ تٸنتۋ كەزٸندە ٷش نوۋتبۋك, تٷرلٸ-تٷستٸ پرينتەرلەر, ەرٸتكٸشتەر, ۋلترافيولەت جارىقتاندىرعىش شام, لاميناتور, 500 جەنە 5000 تەڭگە نومينالىنداعى سۋ تاڭباسىنىڭ ٸزدەرٸ بار كليشەلەر, سۋ تاڭباسىن ىعىستىرۋعا ارنالعان تىعىزداعىش, بوياۋ قۇيىلعان بٶتەلكەلەر, فلەش-جاد قۇرالدارى تەركٸلەنٸپ الىندى.
جەدەل-ٸزدەستٸرۋ ٸس-شارالارىنىڭ نەتيجەلەرٸ بويىنشا تەركٸلەنگەن جالعان بانكنوتتاردىڭ جالپى سوماسى 308 000 تەڭگەنٸ قۇرايتىن 85 دانا بولدى.
قىلمىستىق توپ مٷشەلەرٸ ۇستالار الدىندا ۆاننا بٶلمەسٸندە جالعان اقشا تٷرٸندەگٸ زاتتاي دەلەلدەمەلەردٸ ٶرتەپ ٷلگەرگەن.
«ٷش ايىپتالۋشى دا قر قك 231 بابى, 2-ب., 1-ت. (ادامدار توبىنىڭ الدىن الا سٶز بايلاسۋىمەن جالعان اقشا نەمەسە باعالى قاعازدار جاساۋ, ساقتاۋ, الىپ ٶتۋ نەمەسە ٶتكٸزۋ) سەيكەس كٸنەلٸ دەپ تانىلىپ, ولارعا 6 جىلدان 9 جىلعا دەيٸن ەرتٷرلٸ مەرزٸمگە باس بوستاندىعىنان ايىرۋ جازاسى تاعايىندالدى»,-دەلٸنگەن قر قم قمك باسپاسٶز قىزمەتٸنٸڭ مەلٸمەتتەرٸندە.
