الماتىدا دەرٸگەرلەر سالماعى شامامەن 2 كەلٸ بولاتىن تەراتوماسى بار جاڭا تۋعان قىزعا كٷردەلٸ وتا جاساپ, ٸسٸكتٸ الىپ تاستادى, دەپ حابارلايدى ult.kz.
سەبي 18 تامىزدا سالماعى 4 كەلٸدەن اساتىن كٷيدە, سەگٸزكٶز-قۇيىمشاق ايماعىنداعى ٸرٸ تٷزٸلٸسپەن دٷنيەگە كەلگەن. تەراتوما جٷكتٸلٸكتٸڭ 20-اپتاسىندا انىقتالعان. 34-اپتادا اناسىنا كەسار تٸلٸگٸ جاسالىپ, نەرەستە الماتىداعى بالالار شۇعىل مەديتسينالىق كٶمەك كٶرسەتۋ ورتالىعىنا جەتكٸزٸلگەن.
سەبي تۋعاننان بٸرنەشە ساعات ٶتكەن سوڭ رەانيماتسيياعا جاتقىزىلىپ, كەلەسٸ كٷنٸ حيرۋرگتەر ەكٸ ساعاتتان استام ۋاقىتقا سوزىلعان وتا جاساعان. ٸسٸكتٸڭ سالماعى شامامەن 2 كەلٸ بولعان, ياعني نەرەستەنٸڭ تۋعان كەزدەگٸ سالماعىنىڭ جارتىسىنا جۋىق.
دەرٸگەرلەر وپەراتسييادان كەيٸن بٸردەن پلاستيكالىق قالپىنا كەلتٸرۋ جۇمىستارىن جٷرگٸزگەن. قازٸر بالانىڭ جاعدايى جاقسى, جاقىن كٷندەرٸ ٷيٸنە شىعارىلادى.
«بۇل تەجٸريبەمٸزدەگٸ ەڭ كٷردەلٸ وتالاردىڭ بٸرٸ بولدى. وتا سەتتٸ ٶتتٸ. ٸسٸكتٸ الىپ تاستاعاننان كەيٸن بٸردەن پلاستيكا جاسالدى. قازٸر بالانىڭ جاعدايى جاقسى», – دەدٸ ورتالىق بٶلٸمشەسٸنٸڭ مەڭگەرۋشٸسٸ ساماتبەك مىرزاحمەت.
نەرەستەنٸڭ اناسى اياجان جٷكتٸلٸكتٸڭ 20-اپتاسىندا تەراتوما انىقتالعانىن ايتىپ, قىزىن امان الىپ قالعان دەرٸگەرلەرگە العىسىن بٸلدٸردٸ.
ايتا كەتەيٸك, جىل باسىنان بەرٸ اتالعان ورتالىقتىڭ جاڭا تۋعان نەرەستەلەر بٶلٸمٸنە 96 سەبي جەتكٸزٸلٸپ, 72-سٸنە حيرۋرگييالىق ەم جٷرگٸزٸلگەن.
