Almatyda dárigerler salmaǵy shamamen 2 keli bolatyn teratomasy bar jańa týǵan qyzǵa kúrdeli ota jasap, isikti alyp tastady, dep habarlaidy ult.kz.
Sábi 18 tamyzda salmaǵy 4 keliden asatyn kúide, segizkóz-quiymshaq aimaǵyndaǵy iri túzilispen dúniege kelgen. Teratoma júktiliktiń 20-aptasynda anyqtalǵan. 34-aptada anasyna kesar tiligi jasalyp, náreste Almatydaǵy Balalar shuǵyl meditsinalyq kómek kórsetý ortalyǵyna jetkizilgen.
Sábi týǵannan birneshe saǵat ótken soń reanimatsiiaǵa jatqyzylyp, kelesi kúni hirýrgter eki saǵattan astam ýaqytqa sozylǵan ota jasaǵan. Isiktiń salmaǵy shamamen 2 keli bolǵan, iaǵni náresteniń týǵan kezdegi salmaǵynyń jartysyna jýyq.
Dárigerler operatsiiadan keiin birden plastikalyq qalpyna keltirý jumystaryn júrgizgen. Qazir balanyń jaǵdaiy jaqsy, jaqyn kúnderi úiine shyǵarylady.
«Bul tájiribemizdegi eń kúrdeli otalardyń biri boldy. Ota sátti ótti. Isikti alyp tastaǵannan keiin birden plastika jasaldy. Qazir balanyń jaǵdaiy jaqsy», – dedi ortalyq bólimshesiniń meńgerýshisi Samatbek Myrzahmet.
Náresteniń anasy Aiajan júktiliktiń 20-aptasynda teratoma anyqtalǵanyn aityp, qyzyn aman alyp qalǵan dárigerlerge alǵysyn bildirdi.
Aita keteiik, jyl basynan beri atalǵan ortalyqtyń jańa týǵan náresteler bólimine 96 sábi jetkizilip, 72-sine hirýrgiialyq em júrgizilgen.
