مەگاپوليستەگٸ قاڭعىباس جانۋارلاردىڭ سانىن ٸزگٸلٸكتٸ تٷردە رەتتەۋدٸڭ 2021-2024 جىلدارعا ارنالعان باعدارلاماسىنىڭ شەڭبەرٸندە الماتى قالاسىنىڭ ەكٸمدٸگٸ ٷي مىسىقتارى مەن يتتەرٸن تەگٸن چيپتەۋ باعدارلاماسىن قايتا ٸسكە قوستى, دەپ حابارلايدى قازاقپارات.
الماتى ەكٸمدٸگٸنٸڭ مەلٸمەتٸنشە, 2022 جىلى قالادا 15 مىڭ ٷي جانۋارىن قامتۋ جوسپاردا. چيپتەۋ رەسٸمٸن شارۋاشىلىق جٷرگٸزۋ قۇقىعىنداعى «قالالىق ۆەتەرينارييالىق قىزمەتٸ» كوممۋنالدىق مەملەكەتتٸك كەسٸپورنىنىڭ ۆەتەرينارييالىق دەرٸگەرلەرٸ جٷرگٸزەدٸ.
جانۋارلاردىڭ يەلەرٸنە قولايلى جاعداي جاساۋ ماقساتىندا ۆەتەرينارييالىق قىزمەت جەكە سەكتوردىڭ ەر اۋلاسىن ارالاپ جٷرٸپ قاراۋدى جەنە اۋدان ەكٸمدٸكتەرٸمەن بٸرلەسٸپ چيپتەۋ بويىنشا كٶشپەلٸ بريگادالاردىڭ جۇمىسىن ۇيىمداستىرۋدى جوسپارلاپ وتىر.
الماتى قالاسىنىڭ كەز كەلگەن تۇرعىنى ۆەتەرينارييالىق قىزمەتتٸڭ سall-ورتالىعىنا, تەلەفونى +7 708 595 6401, تاپسىرىس بەرە وتىرىپ, ٶزٸنٸڭ ٷي جانۋارىن چيپتەۋدٸ جٷرگٸزە الادى. يتتەر مەن مىسىقتاردى چيپتەۋدٸڭ شەكتەۋلٸ جاسى 2 اي.
چيپتەۋ – بۇل بٸرەگەي 15 تاڭبالى نٶمٸرٸ بار جانۋارلاردىڭ (يتتەردٸڭ, مىسىقتاردىڭ) ميكروچيپٸن يمپلانتاتسييالاۋ بولىپ تابىلاتىن ەلەكتروندىق بٸردەيلەندٸرۋ. جانۋار جەنە ونىڭ يەسٸ تۋرالى بارلىق اقپارات (بٸرەگەي كود) «Pet Control» قالالىق دەرەكتەر قورىنا ەنگٸزٸلەدٸ. باعدارلاما قالاداعى جانۋارلاردىڭ ەسەبٸن دۇرىس جٷرگٸزۋ جەنە جوعالىپ كەتكەن ٷي جانۋارىنىڭ يەلەرٸن جەدەل ٸزدەستٸرۋ ٷشٸن قاجەت.
بۇدان باسقا, چيپتەۋ رەسٸمٸ ٷيسٸز جانۋارلار سانىنىڭ ٶسۋٸنە قارسى كٷرەس جٷرگٸزۋدٸڭ ەڭ تيٸمدٸ شاراسى. قاڭعىباس جانۋارلاردىڭ سانىنا ەسەر ەتەتٸن جايتتاردىڭ قاتارىنا يەلەرٸنٸڭ تاراپىنان بولاتىن جاۋاپسىزدىق, ولاردى باقىلاۋسىز ٶسٸرۋ, ازىق بازاسىن ٸزدەستٸرۋ ماقساتىندا قاڭعىباس جانۋارلاردى الماتى وبلىسىنىڭ اۋماعىنان كٶشٸرۋ جاتادى.
ەسكە سالايىق, قر 2021 جىلعى 30 جەلتوقسانداعى «جانۋارلارعا جاۋاپكەرشٸلٸكپەن قاراۋ تۋرالى» زاڭىنا سەيكەس, رەسپۋبليكادا ٷي جانۋارلارىن چيپتەۋ 2023 جىلدىڭ 1 قىركٷيەگٸنەن باستاپ مٸندەتتٸ.
