الماتى قالاسىندا ۇلتتىق دومبىرا كٷنٸنە وراي قالا ەكٸمدٸگٸنٸڭ قولداۋىمەن «دومبىرا – داستان» اتتى اۋقىمدى مەرەكەلٸك كونتسەرت ۇيىمداستىرىلدى. الاتاۋ دەستٷرلٸ ٶنەر تەاترىنىڭ اشىق الاڭىندا ٶتكەن مەدەني شاراعا مىڭداعان قالا تۇرعىندارى مەن قوناقتارى جينالىپ, قازاقتىڭ تٶل ٶنەرٸ مەن ۇلتتىق مەدەنيەتٸنٸڭ مەرەيٸن اسىرعان ەرەكشە كەشتٸڭ كۋەسٸ بولدى.
كەش بارىسىندا ەلٸمٸزدٸڭ تانىمال دەستٷرلٸ جەنە ەسترادا ٶنەرپازدارى بٸر ساحنادا باس قوسىپ, كٶرەرمەنگە ۇلتتىق ناقىشتاعى باي كونتسەرتتٸك باعدارلاما ۇسىندى. ساحنا تٶرٸندە «مۋزارت» توبى, رامازان ستامعازيەۆ, ايگٷل قوسانوۆا, باعلان بەبٸجان, تٸلەۋلەس قۇرمانعاليەۆ, نۇركەن ەشٸروۆ, ۇلجان بايبوسىنوۆا, شولپان دارجانوۆا, مۇرات ەبۋعازى, ارداق يساتاەۆا, ارداق ەلەۋسٸز, توعجان ٷمبەت, ەركٸن شٷكٸمان, سايا ماحامبەت, «قوڭىر» توبى, «قۇرمانعازى» وركەسترٸ, «سالتانات» بي انسامبلٸ ٶنەر كٶرسەتٸپ, ۇلتتىق ٶنەردٸڭ تەرەڭ تامىرى مەن ٶمٸرشەڭدٸگٸن ايشىقتايتىن ەسەرلٸ تۋىندىلارىن ورىندادى.
كونتسەرت بارىسىندا كٷي مەن تەرمە, حالىق ەندەرٸ مەن زاماناۋي مۋزىكالىق شىعارمالار ٷندەسٸپ, ۇلتتىق ٶنەردٸڭ دەستٷرٸ مەن بٷگٸنگٸ تىنىسىن توعىستىرعان مازمۇندى مەدەني باعدارلاما ۇسىنىلدى. دومبىرانىڭ كٷمبٸرلەگەن ٷنٸ كٶرەرمەنگە حالقىمىزدىڭ تاريحىن, رۋحىن, ەلدٸك مۇراتىن جەنە ۇلتتىق بٸرەگەيلٸگٸن تەرەڭ سەزٸندٸرٸپ, ەرەكشە رۋحاني ەسەر سىيلادى.
«دومبىرا – داستان» مەرەكەلٸك كونتسەرتٸ قالا تۇرعىندارى مەن قوناقتارىنا كٶتەرٸڭكٸ كٶڭٸل كٷي مەن جارقىن ەموتسييا سىيلادى. اشىق اسپان استىنداعى مەدەني كەش ۇلتتىق ٶنەردٸ دەرٸپتەيتٸن ماڭىزدى الاڭعا اينالىپ, تٷرلٸ بۋىن ٶكٸلدەرٸن ورتاق رۋحاني قۇندىلىقتار تٶڭٸرەگٸندە توعىستىردى.
فوتولار: الماتى قالاسى ەكٸمدٸگٸ
