الماتىدا كٶپقاباتتى ٷيدە گاز جارىلىپ, 3 ادام اۋىر جاراقات الدى, دەپ حابارلايدى "ۇلت اقپارات".
«قازترانسگاز ايماق» اق باسپاسٶز قىزمەتٸنٸڭ مەلٸمەتٸنە سەيكەس, پەرۆومايكا اۋىلىنداعى پوستىشەۆ, 64 «ۆ» مەكەنجايىندا باراك تيپتەس 3 قاباتتى ٷيدە جارىلىس بولدى. وندا جالدامالى پەتەرلەردە 12 وتباسى تۇرىپ جاتقان.
وقيعا ورنىنا جەتكەن اپاتتىق-ديسپەتچەرلٸك قىزمەتتٸڭ حابارلاۋىنشا, جارىلىس بٸرٸنشٸ قاباتتاعى №3 پەتەردە بولعان. قاتتى دٷمپۋ ٷيدەگٸ ەسٸك-تەرەزەنٸ, ٸشكٸ قابىرعالاردى قيراتقان.
مامانداردىڭ تەكسەرۋٸنەن سوڭ ٷيدەگٸ گاز قازاندىعى قيراماعانى انىقتالدى.
ال قالالىق قوعامدىق دەنساۋلىق ساقتاۋ باسقارماسىنىڭ اقپاراتىنشا, جەدەل جەردەم بريگاداسى №4 اۋرۋحاناعا 3 پاتسيەنتتٸ جەتكٸزدٸ.
ٷشەۋٸ دا قازٸر جانساقتاۋ بٶلٸمٸندە جاتىر.
«36 جاستاعى ەر ادامنىڭ دەنەسٸن 100 پايىز كٷيٸك (3-دەرەجەلٸ) شالعان. ول جاساندى تىنىس الۋ اپپاراتىنا قوسىلعان. ناۋقاستىڭ جاعدايى ٶتە اۋىر. 19 جاستاعى قىزدىڭ دەنەسٸنٸڭ 85 پايىزىن كٷيٸك (3-دەرەجەلٸ) شالعان. جاعدايى ٶتە اۋىر. 23 جاستاعى جٸگٸتتٸڭ بەتٸ, اياق-قولدارى كٷيگەن (1-دەرەجەلٸ). دەنەسٸنٸڭ 22 پايىزى زاقىمدانعان. بۇل پاتسيەنتتٸڭ دە جاعدايى ٶتە اۋىر», - دەدٸ باسقارمانىڭ باسپاسٶز قىزمەتٸنەن.
