7-9 جەلتوقسان ارالىعىندا الماتىداعى «حالىق ارەنا» سپورت كەشەنٸندە شورت-ترەكتەن ەلەم كۋبوگىنىڭ ٷشٸنشٸ كەزەڭٸ ٶتەدٸ, دەپ حابارلايدى "ۇلت اقپارات".
قر ۇلتتىق وليمپيادالىق كوميتەتٸنٸڭ باسپاسٶز قىزمەتٸ مەلٸم ەتكەندەي, قازاقستاننىڭ حالىقارالىق جارىستاردى ٶتكٸزۋ تەجٸريبەسٸنٸڭ جوعارى ەكەنٸن ەسكەرگەن حالىقارالىق كونكيشٸلەر فەدەراتسيياسى (ISU) الماتىعا ەلەم كۋبوگى كەزەڭٸن العاش رەت سەنٸپ تاپسىرىپ وتىر.
ەلەم كۋبوگى شورت-ترەكتەن ٶتەتٸن ەڭ ٸرٸ حالىقارالىق جارىس سانالادى. الماتىعا العاش رەت شورت-ترەك جۇلدىزدارى قادام باسپاق. بٷگٸنگە دەيٸن ەلەمنٸڭ 18 مەملەكەتٸنەن 151 سپورتشى ٶتٸنٸم بەرٸپ ٷلگەردٸ.
ەلٸمٸزگە ISU-دىڭ ٷزدٸك ۇيىمداستىرۋشى ماماندارى دا ات باسىن تٸرەيدٸ. اتاپ ايتار بولسا, ISU-دىڭ تەحنيكالىق كوميتەتٸن كانادادان شىققان وليمپيادا چەمپيونى ناتالي لامبەرت باستاپ كەلمەك. ول 1992 جىلعى قىسقى وليمپيادا ويىندارىندا بٸر التىن, ەكٸ كٷمٸس جەڭٸپ العان. سونداي-اق, كٶپسايىس بويىنشا ەلەم چەمپيوناتتارىندا ٷش رەت توپ جارعان.
جارىستى جوعارى دەڭگەيدە ۇيىمداستىرۋعا ەلٸمٸزدٸڭ سپورت سالاسىنداعى ٷزدٸك ماماندار جۇمىلدىرىلىپ وتىر. اتاپ ايتار بولساق, 2011 جىلعى ازييا ويىندارى مەن 2017 جىلعى ۋنيۆەرسيادانى ۇيىمداستىرعان كەسٸبي ماماندار جۇمىسقا تارتىلۋدا.
شورت-ترەكتەن قازاقستان ۇلتتىق قۇراماسىنىڭ باس باپكەرٸ مەدٸعالي قارسىبەكوۆ ٶز جەرٸمٸزدە ٶتەتٸن دودادا ەل نامىسىن كٸمدەر قورعايتىنىن مەلٸمدەدٸ.
الماتى ايدىنىندا تٶمەندەگٸ سپورتشىلارىمىز جٷلدەگە تالاسادى:
ەيەلدەر: ەلييا كيم, اناستاسييا كرەستوۆا, ولگا تيحنونوۆا, ەسەل تايشىمانوۆا, انيتا ناگاي, يانا حان.
ەرلەر: ابزال ەجٸعاليەۆ, نۇربەرگەن جۇماعازيەۆ, دەنيس نيكيشا, مەرسايت جاقسىباەۆ, ەركەبۇلان شامۇحانوۆ جەنە ەدٸل عالياحمەتوۆ.
شورت-ترەكتەن قازاقستان قۇراماسى سوچي وليمپياداسىنان بەرٸ ەلەمدٸك سىنداردا سەتتٸ ٶنەر كٶرسەتٸپ كەلەدٸ. 2014 جىلعى وليمپيادادا ەستافەتادان بٸزدٸڭ قۇراما بەسٸنشٸ ورىن العان بولاتىن.
2016-2017 جىلعى ماۋسىمدا قازاقستان قۇراماسى ەلەم كۋبوگٸ كەزەڭدەرٸنەن توعىز مەدال جەڭٸپ الدى. ونىڭ ٷشەۋٸ - التىن.
ٶز جەرٸمٸزدە ٶتكەن ۋنيۆەرسيادا ويىندارىندا شورت-ترەك شەبەرلەرٸ بەس قولا مەن بٸر كٷمٸسكە قول جەتكٸزدٸ. ال پحەنچحانداعى قىسقى وليمپياداعا قازاقستان كومانداسى جەتٸ جولداما يەلەنگەن ەدٸ.
بيىلعى ماۋسىم دا سپورتشىلارىمىز ٷشٸن جامان باستالعان جوق. كالگاريدە ٶتكەن ەلەم كۋبوگٸنٸڭ العاشقى كەزەڭٸندە ابزال ەجٸعاليەۆ ٷش بٸردەي وليمپيادا چەمپيونىمەن جارىسىپ, كٷمٸسكە يەلٸك ەتتٸ.
اقش-تا ٶتكەن ەكٸنشٸ كەزەڭدە دەنيس نيكيشا ٷزدٸك تٶرتتٸك قاتارىنان كٶرٸندٸ.
