الماتىدا 239 بالا كوروناۆيرۋستان ايىققان. بۇل تۋرالى بٷگٸن ونلاين بريفينگتە الماتى قالالىق بالالار كلينيكالىق جۇقپالى اۋرۋلار اۋرۋحاناسىنىڭ باس دەرٸگەرٸ ەرجان سەرالين ايتتى, دەپ حابارلايدى قازاقپارات.
«Covid-19 ينفەكتسيياسىمەن كٷرەس باستالعالى بەرٸ الماتىدا 239 بالا كوروناۆيرۋستان ەمدەلٸپ شىقتى. بالالار اراسىندا ٶكپە قابىنۋى بولدى. دەگەنمەن كٶبٸ جەڭٸل نەمەسە ورتاشا اۋىر تٷرٸمەن اۋىردى. بالالاردىڭ بارلىعى دٸن امان. قازٸر 9 بالا ەم قابىلداپ جاتىر. قال-جاعدايى بٸرقالىپتى», - دەيدٸ ەرجان سەرالين.
ونىڭ ايتۋىنشا, كەشە اۋرۋحانادان تۋعانىنا 10 كٷن بولعان نەرەستە شىعارىلدى.
«كەشە 10 كٷندٸك بالانى شىعاردىق. بٸرنەشە كٷنگە سوزىلعان ەم-دومنان كەيٸن اناسى ەكەۋٸنٸڭ پتر-تەستٸلەۋٸ تازا بولعاندىقتان اۋرۋحانادان شىعاردىق», - دەدٸ ول.
ايتا كەتۋ كەرەك, قازاقستان بويىنشا كوروناۆيرۋس جۇقتىرعانداردىڭ سانى 73 468 ادامعا جەتتٸ. الماتىدا 9 394 ادام ٸندەتكە شالدىققان. ونىڭ ٸشٸندە قالادا 73 ادام قايتىس بولدى.
