الماتىدا ٷيلەنۋ تويلارى مەن بانكەتتەرگە ەلٸ دە تىيىم سالىنادى. بۇل تۋرالى ونلاين-بريفينگتە قالانىڭ باس مەملەكەتتٸك سانيتار دەرٸگەرٸ جانداربەك بەكشين مەلٸم ەتتٸ, دەپ حابارلايدى قازاقپارات.
«رۇقسات جوق. بٷگٸندە الماتىدا تاماقتانۋ ورىندارىنا جۇمىس ٸستەۋگە مٷمكٸندٸك بەرٸلدٸ. بٸراق تٷرلٸ بانكەت, مەرەكەلٸك شارالار, ۇجىمدىق باسقوسۋدى قوعامدىق تاماقتانۋ ورىندارىندا ٶتكٸزۋگە تىيىم سالىنعان», - دەپ تٷسٸندٸردٸ جانداربەك بەكشين.
ايتا كەتەيٸك, الماتىدا دەمحانالار مەن تاماقتانۋ ورىندارى 25 مامىردان باستاپ جۇمىس ٸستەپ كەلەدٸ.
ولارعا قويىلاتىن تالاپ – بٸر وتباسىنىڭ مٷشەلەرٸن قوسپاعاندا, كٶرشٸ ٷستەلدەردە وتىرعان قوناقتاردىڭ اراسىنداعى قاشىقتىق - كەمٸندە 2 مەتر, ال بٸر ٷستەلگە وتىراتىن ادام سانى - 4 ادامنان اسپاۋىن قامتاماسىز ەتۋ.
قوعامدىق تاماقتانۋ ورىندارىنا كەشكٸ ساعات 23:00-گە دەيٸن جۇمىس ٸستەۋگە رۇقسات بەرٸلگەن.
