Almatyda úilený toilary men banketterge áli de tyiym salynady. Bul týraly onlain-brifingte qalanyń bas memlekettik sanitar dárigeri Jandarbek Bekshin málim etti, dep habarlaidy QazAqparat.
«Ruqsat joq. Búginde Almatyda tamaqtaný oryndaryna jumys isteýge múmkindik berildi. Biraq túrli banket, merekelik sharalar, ujymdyq basqosýdy qoǵamdyq tamaqtaný oryndarynda ótkizýge tyiym salynǵan», - dep túsindirdi Jandarbek Bekshin.
Aita keteiik, Almatyda dámhanalar men tamaqtaný oryndary 25 mamyrdan bastap jumys istep keledi.
Olarǵa qoiylatyn talap – bir otbasynyń múshelerin qospaǵanda, kórshi ústelderde otyrǵan qonaqtardyń arasyndaǵy qashyqtyq - keminde 2 metr, al bir ústelge otyratyn adam sany - 4 adamnan aspaýyn qamtamasyz etý.
Qoǵamdyq tamaqtaný oryndaryna keshki saǵat 23:00-ge deiin jumys isteýge ruqsat berilgen.
