الماتىدا تەۋەلسٸزدٸكتٸڭ 30 جىلدىعىنا وراي ەلدٸڭ ەلەۋمەتتٸك-ەكونوميكالىق جەنە مەدەني دامۋىنا, حالىقتار اراسىنداعى دوستىق پەن ىنتىماقتاستىقتى نىعايتۋعا ٷلەس قوسقان ازاماتتار مەملەكەتتٸك ناگرادالارمەن ماراپاتتالدى, دەپ حابارلايدى قازاقپارات.
«الماتى – تەۋەلسٸزدٸكتٸڭ التىن بەسٸگٸ» اتتى سالتاناتتى شاراعا قر پارلامەنتٸ سەناتىنىڭ تٶراعاسى مەۋلەن ەشٸمباەۆ پەن الماتى ەكٸمٸ باقىتجان ساعىنتاەۆ قاتىستى.
م. ەشٸمباەۆ پەن ب. ساعىنتاەۆ ەل مەن قالانىڭ دامۋىنا ەرەكشە ٷلەس قوسقان الماتىلىقتارعا پرەزيدەنتتٸڭ اتىنان مەملەكەتتٸك ناگرادالاردى تاپسىردى.
قازاقستان جازۋشىلار وداعىنىڭ تٶراعاسى ۇلىقبەك ەسدەۋلەت ٸٸٸ دەرەجەلٸ «بارىس» وردەنٸمەن, ەڭبەك ارداگەرٸ ق. بايكەنوۆ پەن الماتى قالاسى بويىنشا سەبد باسشىسى ج. بەكشين «پاراسات» وردەنٸمەن ماراپاتالدى. ٸ دەرەجەلٸ «دوستىق» وردەنٸ «كيمەپ» ۋنيۆەرسيتەتٸنٸڭ رەكتورى چ.ي. بەنگكە تاپسىرىلدى.
مەملەكەتتٸك ناگرادالارمەن عىلىم مەن بٸلٸم, مەدەنيەت جەنە دەنساۋلىق ساقتاۋ قايراتكەرلەرٸ, مەملەكەتتٸك قىزمەتكەرلەر مەن قالانىڭ تىنىس-تٸرشٸلٸگٸن قامتاماسىز ەتەتٸن قۇرىلىس كومپانييالارى مەن ۇيىمدارىنىڭ قىزمەتكەرلەرٸ ماراپاتتالدى.
قالا ەكٸمٸ باقىتجان ساعىنتاەۆ تاريحي تۇرعىدان تەۋەلسٸزدٸكتٸڭ بەسٸگٸنە اينالعان مەگاپوليستٸڭ ەرەكشە رٶلٸن اتاپ ٶتتٸ.
«الماتىدا ەل ٷشٸن ماڭىزدى شەشٸمدەر قابىلداندى, كونستيتۋتسييا, مەملەكەتتٸك رەمٸزدەر قابىلداندى, قارۋلى كٷشتەر قۇرىلدى, ۇلتتىق ۆاليۋتا ەنگٸزٸلدٸ. تۇڭعىش پرەزيدەنت سايلاۋىنىڭ جالپىحالىقتىق نەتيجەلەرٸ دە الماتىدا جارييالاندى. 1998 جىلى تۇڭعىش پرەزيدەنت «الماتىنىڭ ەرەكشە مەرتەبەسٸ تۋرالى» زاڭعا قول قويدى», - دەدٸ باقىتجان ساعىنتاەۆ.
قالا ەكٸمٸ الماتىلىقتاردىڭ, ەسٸرەسە اعا بۋىننىڭ مەگاپوليستٸ دامىتۋعا قوسقان ٷلەسٸن تٸلگە تيەك ەتتٸ.
«قازاقستان تەۋەلسٸزدٸگٸنٸڭ 30 جىلدىق مەرەيتويى – بٸزدٸڭ ەرقايسىمىز ٷشٸن ماڭىزدى وقيعا. وسى جىلدار ٸشٸندە ۇلتتىق رۋح نىعايدى, ۇرپاقتار ساباقتاستىعى دامىدى, قازٸرگٸ تاريح پايدا بولدى. بٷگٸن بٸز «مەڭگٸلٸك ەل» جالپىۇلتتىق بٸرلٸك, بەيبٸتشٸلٸك پەن كەلٸسٸم يدەياسىن ۇستانا وتىرىپ, مەملەكەت قۇرىپ جاتىرمىز. بٸز تەۋەلسٸزدٸكتٸ ارمانداعان اتا-بابالارىمىز سالعان جولمەن كەلەمٸز», - دەدٸ ول.
سەنات تٶراعاسى مەۋلەن ەشٸمباەۆ تۇڭعىش پرەزيدەنت – ەلباسى نۇرسۇلتان نازارباەۆتىڭ ساياساتىنىڭ ارقاسىندا ەلٸمٸز حالىقارالىق قوعامداستىقتىڭ تولىققاندى جەنە ىقپالدى مٷشەسٸنە اينالعانىن, جاڭا استانا سالىنعانىن, ەلٸمٸزدٸڭ ٶڭٸرلەرٸ دە قارقىندى دامىعانىن اتاپ ٶتتٸ.
«تەۋەلسٸزدٸك جىلدارىندا الماتى دامۋعا ايتارلىقتاي سەرپٸن الدى. بٷگٸندە بۇل تەك قازاقستاننىڭ عانا ەمەس, بٷكٸل پوستسوۆەتتٸك كەڭٸستٸكتٸڭ ەڭ سەرپٸندٸ دامىپ كەلە جاتقان جەنە ەكونوميكالىق قۋاتتى قالالارىنىڭ بٸرٸ. ەلٸمٸزدەگٸ ەربٸر بەسٸنشٸ كەسٸپكەر الماتىدا جۇمىس ٸستەيدٸ», - دەدٸ مەۋلەن ەشٸمباەۆ.
سپيكەردٸڭ ايتۋىنشا, الماتىدا ساپالى ادامي كاپيتال شوعىرلانعان.
«مۇندا بولاشاق ەكونوميكاسىنىڭ «جاڭعىرتۋ ٶزەگٸ»: كرەاتيۆتٸ تاپ پەن بەلسەندٸ ازاماتتىق قوعام قالىپتاستى. مەگاپوليسكە ەلٸمٸزدٸڭ ەر ٶڭٸرٸنەن تالانتتار اعىلىپ كەلٸپ جاتىر. الماتى – عىلىمي-زەرتتەۋ جەنە تەجٸريبەلٸك-كونسترۋكتورلىق جۇمىستارعا ينۆەستيتسييالار بويىنشا كٶشباسشى. مەملەكەت باسشىسى اتاپ ٶتكەندەي, الماتىنىڭ كرەاتيۆتٸ ەكونوميكانى دامىتۋ جٶنٸندەگٸ تەجٸريبەسٸن بٷكٸل ەلگە تاراتۋ قاجەت», - دەدٸ مەۋلەن ەشٸمباەۆ.
