الماتىدا تاكسيلەرگە ليتسەنزييا كەرەك – ەربولات دوساەۆ

الماتى ەكٸمٸ ەربولات دوساەۆتىڭ ەۋەزوۆ اۋدانىنىڭ تۇرعىندارىمەن كەزدەسۋ كەزٸندە قالا تۇرعىنى تاكسي, كٶلٸك مەسەلەسٸن كٶتەردٸ, دەپ حابارلايدى "ۇلت اقپارات" Kazinformعا سٸلتەمە جاساپ.

«الماتىعا ٶزبەكتٸڭ, تەجٸكتٸڭ, قىرعىزدىڭ, موڭعولدىڭ كٶلٸكتەرٸ تۋريست بولىپ كەلەدٸ دا, كەيٸن قالادا تاكسي بولىپ كەتەدٸ. قازٸر Yandex, InDriver ارقىلى تاكسي بولىپ جٷرگەن مۇنداي 70 مىڭ كٶلٸك بار. بۇل كٶلٸكتەردٸڭ باعاسى بٸزدە 7 ملن تەڭگەدەن بولسا, تەجٸكستاندا 3 ملن تەڭگەگە ساتىلادى. بۇل كٶلٸكتەر بٸزدە بٸر جىل تاكسي بولادى, كەيٸن ولاردى لاقتىرىپ تاستايدى. ال بٸزدٸڭ ازاماتتار سول 7 ملن تەڭگەلٸٸك كٶلٸكتٸڭ ەكٸ جىلدا اقشاسىن قايتارا الماي, نە وتباسىن اسىراي الماي, نە كرەديتٸن جابا الماي جٷرەدٸ. وسىنى ەسكەرەسٸزدەر مە? سالىق كوميتەتٸ بار, قۇقىق قورعاۋ ورگاندارى بار, وسىنى قالاي شەشۋگە بولادى», - دەگەن سۇراق قويدى قالا تۇرعىنى.

الماتى ەكٸمٸ ەربولات دوساەۆ قازٸرگٸ تاڭدا كٶلٸك مينيسترلٸگٸ جاڭا نورمالاردى قاراپ جاتقانىن ايتتى.

«الماتىدا تاكسي مەسەلەسٸ ٷلكەن مەسەلە. مەنٸڭ جەكە ويىم - تاكسيگە ليتسەنزييا كەرەك. ليتسەنزييا بولسا بٸزدە كٸم جٷرگەنٸن, قالاي جٷرگەنٸن تٷسٸنەمٸز. Yandex, InDriver دەگەندەر اگرەگاتورلار. ولار بۇرىنعى ديسپەتچەرلٸك پۋنكتتەر سيياقتى. ولارعا ٶتٸنٸش تٷسەدٸ, ولار ونى ارى قاراي جٸبەرەدٸ.. تاكسي دەگەن كٶلٸك قوي. وعان نورمالار كەرەك. ول قانداي بولۋى كەرەك, وعان قالاي مونيتورينگ جاساۋ كەرەك جەنە تاعى باسقا. كٶلٸك مينيسترلٸگٸنە بۇل مەسەلەلەر بويىنشا ۇسىنىستار تٷسكەن. قازٸر مينيسترلٸك ولاردى زەرتتەپ جاتىر. ايتۋ كەرەك, الماتىدا تەك قالا ەمەس, كٶرشٸ الماتى وبلىسىنان كٶلٸكتەر اعىلىپ كەلەدٸ. كٷن سايىن تاڭەرتەڭ قالاعا 400 مىڭ كٶلٸك كٸرەدٸ. جىل سوڭىنا دەيٸن تيٸستٸ زاڭنامالىق ٶزگەرٸستەر قابىلدانسا, اتالعان مەسەلەلەر شەشٸمٸن تابادى دەپ سەنەمٸن», - دەدٸ ەربولات دوساەۆ.