سۋرەت: polisia.kz
الماتىدا سينتەتيكالىق ەسٸرتكٸ ٶندٸرۋشٸلەر سوتتالدى, - دەپ حابارلايدى Tengrinews.kz تٸلشٸسٸ Polisia.kz سايتىنا سٸلتەمە جاساپ.
قىلمىسكەرلەر سينتەتيكالىق ەسٸرتكٸنٸ وراعان سەتتە پوليتسييا قىزمەتكەرلەرٸنٸڭ نازارىنا تٷسپەۋ ٷشٸن پەتەرلەردٸ تەۋلٸكتەپ جالعا العان.
"ح.يسلاموۆ پەن س.ەپيفانوۆ ەسٸرتكٸ ٶندٸرۋ كەزٸندە ۇستالدى. تەركٸلەنگەن زات سالماعى - 4 كەلٸ, بۇل - ٶتە ٷلكەن كٶلەم", - دەلٸنگەن حابارلامادا.
سوت كٸشكەنتاي بالالارى بارىن, تەرگەۋ جۇمىستارىنا بەلسەندٸ ارالاسقانىن ەسكەرٸپ, ولاردى 11 جىلعا باس بوستاندىعىنان ايىردى.
ەكٸنشٸ ٷكٸم م. شەۆتسوۆقا قاتىستى مەفەدرون ٶندٸرٸسٸن ۇيىمداستىرعانى ٷشٸن شىعارىلدى.
"سوت وتىرىستارىندا شەۆتسوۆ جەكە تۇتىنۋ ٷشٸن ەسٸرتكٸ شىعارعانىن ايتىپ, جازانى ازايتۋعا تىرىستى. الايدا جالعا الىنعان پەتەردٸ تٸنتۋ بارىسىندا بۇل قىلمىستى ەسٸرتكٸ ٶندٸرٸسٸ رەتٸندە تانۋعا مٷمكٸندٸك بەرەتٸن بارلىق دەلەل تابىلدى", - دەدٸ قۇقىق قورعاۋ ورگاندارى.
نەتيجەسٸندە شەۆتسوۆ كٸنەلٸ دەپ تانىلىپ, وعان 10 جىلعا باس بوستاندىعىنان ايىرۋ جازاسى تاعايىندالدى.
