Sýret: polisia.kz
Almatyda sintetikalyq esirtki óndirýshiler sottaldy, - dep habarlaidy Tengrinews.kz tilshisi Polisia.kz saityna silteme jasap.
Qylmyskerler sintetikalyq esirtkini oraǵan sátte politsiia qyzmetkerleriniń nazaryna túspeý úshin páterlerdi táýliktep jalǵa alǵan.
"H.Islamov pen S.Epifanov esirtki óndirý kezinde ustaldy. Tárkilengen zat salmaǵy - 4 keli, bul - óte úlken kólem", - delingen habarlamada.
Sot kishkentai balalary baryn, tergeý jumystaryna belsendi aralasqanyn eskerip, olardy 11 jylǵa bas bostandyǵynan aiyrdy.
Ekinshi úkim M. Shevtsovqa qatysty mefedron óndirisin uiymdastyrǵany úshin shyǵaryldy.
"Sot otyrystarynda Shevtsov jeke tutyný úshin esirtki shyǵarǵanyn aityp, jazany azaitýǵa tyrysty. Alaida jalǵa alynǵan páterdi tintý barysynda bul qylmysty esirtki óndirisi retinde tanýǵa múmkindik beretin barlyq dálel tabyldy", - dedi quqyq qorǵaý organdary.
Nátijesinde Shevtsov kináli dep tanylyp, oǵan 10 jylǵa bas bostandyǵynan aiyrý jazasy taǵaiyndaldy.
