حالىق ساناعىنا الماتى قالاسىنىڭ 2 ميلليوننان استام تۇرعىنى قاتىستى, دەپ حابارلايدى قازاقپارات.
ۇلتتىق ستاتيستيكا بيۋروسىنىڭ باسپاسٶز قىزمەتٸ ۇسىنعان دەرەككە سەيكەس, الماتى تۇرعىندارىنىڭ سانى بٷگٸندە 2 005 496 ادامدى قۇرايدى.
«بٷگٸنگٸ تاڭدا الماتى قالاسىنىڭ جالپى تۇرعىنىنىڭ 2 ملن 86 مىڭ 769-ى ساناقتان ٶتتٸ. بيىلعى جىلدىڭ 24 قازانىنداعى جاعداي بويىنشا, ونلاين ساناقتان 626 605 ادام ٶتتٸ, 25 قازانداعى جاعداي بويىنشا, 1 462 935 الماتىلىق وفلاين رەجيمدە ٶتتٸ», - دەپ تٷسٸندٸردٸ ۆەدومستۆودان.
الماتىنىڭ حالىق ەڭ تىعىز قونىستانعان اۋدانى – بوستاندىق اۋدانى, وندا 361 609 ادام تۇرادى. تۇرعىنداردىڭ ەڭ از سانى جاڭا ناۋرىزباي اۋدانىندا تۇرادى – 159 115 ادام.
ايتا كەتەيٸك, قازاقستاندا حالىق ساناعىنان ونلاين ٶتۋ مەرزٸمٸ ۇزارتىلدى.
ساناق ساۋالدارىنا ارنايى sanaq.gov.kz سايتى, E-Gov پورتالى ارقىلى تٸركەلٸپ نەمەسە Aitu موبيلدٸك قوسىمشاسى ارقىلى جاۋاپ بەرۋگە بولادى. ونلاين ٶتۋ مٷمكٸندٸگٸ حالىق ساناعى اياقتالعانعا دەيٸن قولجەتٸمدٸ بولماق.
1 قازاننان باستاپ ينتەرۆيۋەرلەر ٷي-ٷيدٸ ارالاۋدى باستادى. ونلاين ٶتكەن رەسپوندەنتتەر تەلەفونعا كەلگەن SMS-حابارلامانى ينتەرۆيۋەرلەرگە كٶرسەتۋٸ تيٸس. ولار ساۋالنامادان قايتا ٶتپەيدٸ.
